The Ben yahagaritse igitaramo yagombaga guhuriramo na Davido i Kampala

Nyuma y’aho byemejwe ko The Ben ari umwe mu bahanzi bagombaga kuririmba mu gitaramo cya Davido i Kampala, hatangiye gucicikana inkuru zishimangira ko uyu muhanzi atazakandagirayo.

Iki gitaramo gikomeye cyo gusoza umwaka wa 2018 kiri mu ruhererekane rw’ibyiswe “30 Billion Concert” cyagombaga guhuza The Ben na Davido n’abandi bahanzi barimo Sheebah Karungi, Beenie Gunter, Lydia Jazmine na Gravity Omutujju bose bo muri Uganda.

KT Press yatangaje ko ifite amakuru yizewe ko The Ben atakiririmbiye i Kampala ku mpamvu zitaramenyekana. Ni nyuma y’aho abandi bahanzi Meddy na Bruce Melodie na bo bahagaritse ingendo bari bafite mu Burundu kubera impamvu zo kutizera umutekano wabo muri icyo gihugu.

Uwatanze amakuru kuri The Ben yagize ati “Ahugiye cyane ku gutunganya umushinga w’amashusho y’indirimbo ye nshya yitwa ’Fine Girl’, ikigaragara ni uko adashyize imbaraga ze ku gitaramo cya 30 Billion muri Uganda cyangwa ngo avuge impamvu zatumye akireka.”

Yakomeje agira ati “Ndatekereza ko azahishura impamvu ziherekeza uyu mwanzuro mu minsi iri imbere kuko yari yashyize imbaraga nyinshi zishoboka muri iki gitaramo.”

Uyu muhanzi asubitse kuririmba mu gitaramo cya Davido muri Uganda mu gihe umubano w’u Rwanda n’icyo gihugu mu bya dipolomasi uvugwamo ikibazo cyo kimwe n’u Burundi aho Meddy na Melodie bagombaga kuririmbira bakabisubika ku munota wa nyuma.

The Ben afite indirimbo zikunzwe muri Uganda nka ’Binkorera’ yakoranye na Sheebah bari kuzahurira ku rubyiniro ndetse n’iyitwa ’No You No Life’ yakoranye n’itsinda rya B2C.

The Ben ntakigiye i Kampala kuririmba mu gitaramo cya Davido

Yaherukaga kuvuga ati “Maze iminsi myinshi ndi gutegura album yanjye nshyashya. Ni album nziza cyane nizeye ko abantu bazakunda, nzayisohora yose mu mpeshyi ya 2019, nyimurikire i Kigali. Indirimbo ya mbere nihatagira igihinduka nzayisohora muri uku kwezi dusoza.”

The Ben muri Kamena uyu mwaka yasinye amasezerano y’imikoranire n’ikigo cya Luc Belaire cyo mu Bufaransa kimaze kwamamara ku Isi mu kwenga inzoga zihenze yinjira mu bakomeye bakorana n’iki kigo nka Rick Ross, Dj Khaled, Diamond Platnumz n’abandi.

The Ben amaze iminsi ahugiye ku mashusho y’umushinga w’indirimbo nshya yise ‘Fine Girl’ yakozwe na Kriz Beatz ukomeye muri Afurika

508 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Admin

Kalisa John

Leave a Reply

Your email address will not be published.