Umukinnyi Ishimwe Kevin yasezeranye imbere y’amategeko(AMAFOTO)

Umukinnyi ukina usatira anyuze ku mpande, Ishimwe Kevin bivugwa ko yatandukanye na APR FC n’ubwo we atabyemera, ku munsi w’ejo yasezeranye imbere y’amategeko n’umukunzi we Nana.

Ni umuhango wabereye mu murenge wa Gisogi mu karere ka Gasabo, aho yari aherekejwe n’abantu barindwi bitewe n’ingamba nshya zo kwirinda icyorezo cya Coronavirus.

Yasezeranye ejo ku waGatanu tariki ya 18 Ukuboza 2020 saa sita. Mbere yo gusezerana akaba yatangaje ko indi mihango y’ubukwe ikomorerwa nk’uko yahagaritswe n’inama y’abaminisitiri yabaye ku wa 14 Ukuboza 2020 mu rwego rwo gukomeza guhangana n’icyorezo cya Coronavirus.

Ati“urabona indi mihango yose yarahagaze, ariko gusezerana mu murenge biremewe, turajya gusezerana ubundi dutegereze indi mihango.”

Byari biteganyijwe ko ubukwe bwa Ishimwe Kevin na Nana La Divah buzaba ku munsi w’ejo ku Cyumweru tariki ya 20 Ukuboza 2020.

Ishimwe Kevin yinjiye muri APR FC umwaka ushize wa 2019 avuye muri AS Kigali. Ni umusore wakiniye amakipe atandukanye nka Rayon Sports ndetse na Pepiniere FC.

Ishimwe Kevin yarahiriye kubana akaramata na Nana La Divah

Nana yarahiriye kuba umugore wa Ishimwe Kevin

Bahawe icyemezo cy’uko bamaze gusezerana

Kevin Ishimwe ati”isaha nari ntegereje cyane mu buzima ni iyi”

946 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.