Umunyamakuru Gentil Gedeon yamaze gusezerana n’umukunzi we Imbere y’amategeko (Amafoto(

Gentil Gedeon Ntirenganya ni umwe mu banyamakuru bazwi cyane hano mu Rwanda mu bakora ibiganiro by’imyidagaduro dore ko yakoreye ama radiyo menshi akomeye. Kuri ubu uyu munyamakuru ari mu myiteguro ya nyuma y’ubukwe bwe na Maniraho Irakoze Ritha bamaze no gusezerana imbere y’amategeko kubana akaramata

Kuri uyu wa Kane tariki 6 Nzeri 2018 nibwo Ntirenganya Gentil Gedeon n’umufasha we Maniraho Irakoze Ritha basezeranye imbere y’amategeko kubana akaramata, umuhango wabereye mu murenge wa Nyakabanda imbere y’ubuyobozi bw’igihugu, abavandimwe inshuti n’imiryango bakaba basinyiye kubana ubudatandukana.

Gentil Gedeon ni umunyamakuru wakoze ku maradiyo atandukanye arimo Radio Salus yakoreye igihe kinini. Nyuma yo kwamamara kuri iyi radiyo arangije amasomo ye muri kaminuza y’u Rwanda yaje kuza mu mujyi wa Kigali anyura igihe gito kuri Radio10 aza kwerekeza kuri KT Radio aho ari gukorera muri iki gihe.

Uyu munyamakuru wamenyekanye cyane mu myidagaduro ya hano mu Rwanda ari mu myiteguro ya nyuma y’ubukwe bwe dore ko iminsi yegereje. Ubukwe bw’aba bombi buteganyijwe kuri uyu wa Gatandatu tariki 8 Nzeli 2018 aho Saa tatu za mu gitondo hazaba umuhango wo gusaba no gukwa uteganyijwe kubera muri Hope Garden Kicukiro.

Nyuma y’umuhango wo gusaba no gukwa kuri uwo munsi kandi hazakurikiraho umuhango wo gusezerana imbere y’amategeko utegenyijwe tariki 8 Nzeli 2018 muri ADEPR Kacyiru. Nyuma yaho abatumiwe bose bazahita bajya kwakirirwa muri Hope Garden Kicukiro.

Nsanzabera Jean Paul

www.kigalihit.rw

 438 total views,  1 views today

Facebook Comments
Share Button

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *