Umwamikazi wa Rumba M’bilian Bel yageze i kigali aho aje gutaramira muri Kigali Jazz Junction

M’bilia Bel Umwamikazi w’injyana ya Rumba na Kizomba yaraye asesekaye ku kibuga cy’indege Mpuzamahanga cya Kigali i Kanombe agaragaza akanyamuneza ku maso, ateguza uburyohe mu gitaramo gikomeye yitegura gukorera Serena Hotel ku wa 07 Ukuboza, 2018 muri Kigali Jazz Junction.

Agisohoka mu kibuga  cy’indege yatangarije  itangazamakuru  ko hari hashize imyaka myinshi ataza mu i Kigali ariko ko igihe ari iki, ati “Hari hashize imyaka myinshi  ntza i Kigali mu Rwanda, ntakubeshye hashize imyaka myinshi. Nishimye kuba ngarutse hano. Nakiriye ubutumwa buva ku bafana banjye bambwira ko bantegereje mu gitaramo nzakora kuya 07 Ukuboza, 2018. Gahunda ni iyo, ubabwire ntibazabure n’abandi bose bakunda umuziki w’umwimerere,”

M’bilia Bel agiye gutaramira i Kigali mu Rwanda ku butumire bwa RG Consult isanzwe itegura ibitaramo by’uburyohe bya Kigali Jazz Junction. Saa saba z’ijoro ry’uyu wa mbere tariki 03 Ukuboza, 2018 nibwo M’Bilia Bel yasohotse mu kibuga cy’indege Mpuzamahanga cya Kigali. Yavuze ko yiteguye gushimisha abakunzi mu gitaramo ageze kure imyiteguro yacyo.

M’bilia Bel uzwi ku Isi yose nk’umunyamuziki ufite inkomoko muri Repubulika Iharanira Demokarasi ya Congo (RDC), azahurira ku rubyiniro n’itsinda ry’abacuranzi n’abaririmbyi Neptunez Band ndetse n’Umunyarwanda Mike Kahiyura wuje ubuhanga mu gucuranga piano.

Biteganyijwe ko  iki igitaramo cya Kigali Jazz Junction   kw’itariki  7 Ukuboza 2018 aho kwinjira muri iki gitaramo ni amafaranga ibihumbi icumi (10,000 Frw) mu myanya isanzwe (Ordinary), mu myanya y’icyubahiro (Vip Tickets) ni ibihumbi makumyabiri (20,000Frw), ku meza y’abantu umunani (Vip Table 8) ni ibihumbi ijana mirongo itandatu (160,000 Frw). Imiryango izafungurwa saa kumi n’ebyiri n’igice z’umugorobo (18h:30’), igitaramo gitangire saa mbili z’ijoro (20h:00’).

NSANZABERA Jean Paul

www.kigalihit.rw 

 443 total views,  1 views today

Facebook Comments
Share Button

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *