Uwase Tina niwe uzahagararira u Rwanda muri Miss Supranational

Ku munota wa nyuma, u Rwanda rwabonye umukobwa uzaruhagararira mu irushanwa ry’ubwiza rya Miss Supranational riri kubera muri Pologne.

Uwase Tina, ni we watoranyijwe asimbura Munyaneza Djazira wirukanwe mu bahatanira ikamba aryozwa amafoto yashyize hanze yambaye ubusa.

Ubuyobozi bwa Miss Supranational bwahaye ikaze Uwase Tina. Mu itangazo bacishije kuri Facebook, banditse bavuga ngo “Twabonye umusimbura wa Miss Supranational Rwanda 2018. Nguwo Tina Uwase, afite imyaka 24 y’amavuko akareshya na 1,70 m. Ikaze Tina.”

Uwase nta rushanwa ry’ubwiza rizwi yigeze ahatanira mu gihugu no hanze. Izina rye kandi, ni rishya mu matwi ya benshi.

Mu kiganiro na  Yvonne Uwamahoro utoranya abakobwa baserukira u Rwanda muri iri rushanwa, yavuze ko uyu mukobwa asanzwe aba muri Pologne bityo bikaba byoroheje urugendo.

Ubusanzwe amazina ye abamuzi bavuga ni Uwase Clementina[ ariko afite akabyiniriro ka Tina].

Irushanwa ry’ubwiza rya Miss Supranational ryatangiye ku wa Mbere tariki ya 19 Ugushyingo 2018.

 

Uyu mwaka hazahatana abakobwa 70 barimo Umunyarwandakazi witwa Tina Uwase. Uyu yinjiyemo bitunguranye, asimbuye mugenzi we wiyambitse ubusa mu minsi yashize.

Munyaneza Djazira ni we wari watoranyijwe kuzaserukira u Rwanda ariko mu ntangiriro z’Ugushyingo 2018 akurwa mu bahatana aryozwa amafoto amugaragaza yambaye ubusa ibintu byazamuye uburakari kuri benshi.

 

Munyaneza Djazira yari yatoranyijwe kuzaserukira u Rwanda aza kwamburwa ubwo bubasha azira kwiyambika ubusa

 

Uyu mukobwa yagiye muri Nigeria ntiyagaruka mu Rwanda

 

394 total views, 2 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.