Video: Perezida Kagame yishimiye ko mu myaka 120 Gusa kiliziya imaze mu Rwanda yabonye Karidinari

Kuri iki Cyumweru Perezida Kagame yifatanyije n’ Abakirisitu Gaturika bo mu Rwanda, kwishimira no gushimira Imana kubwo guhabwa ubukaridinari kwa Antoine Kambanda, Karidinari wa mbere w’ umunyarwanda.

KANDA HANO UREBE BIDEO

Icyi gitambo cya misa kitabiriwe n’abayobozi mu nzego nkuru z’igihugu batandukanye.

Muri iki gitambo cyanatuwe na Karidinari Kambanda, yavuze ko ari intambwe yo kwishimirwa kuba u Rwanda rufite Karidinari, nyamara Kiliziya Gaturika ihamaze imyaka 120 gusa, mu gihe hari aho imaze imyaka isaga igihumbi, cyangwa magana.

Yashimiye Perezida Kagame kuba yarahaye Kiliziya Gaturika ikibanza cyo kubakamo Katedirali y’icyitegererezo ibereye umujyi wa Kigali, ahahozi Gereza ya Kigali izwi nka 1930.

Yavuze ko iki kibanza ari cyiza kandi amateka ya gereza yahahoze azahindukamo meza nk’uko Gologota umusozi wari ikivume wahindutse umugisha kubera Yezu yawucunguriyeho inyokomuntu.

Perezida Kagame yavuze ko yishimiye ko mu myaka 120 yonyine Kiliziya Gatulika igeze mu Rwanda, yabonye Karidinari wa mbere.
Ashimira Papa Francis icyizere yaragiriye Antoine Kambanda akamugira Karidinari, n’umujyanama we wa hafi, avuga ko ibi bigaragaza umurava no kunoza inshingano ahawe neza bya Karidinari Kambanda.

Perezida Kagame kandi yavuze ko mu byaranze amateka ya Kiliziya Gatulika mu Rwanda n’ay’igihugu muri rusange, harimo ameza n’amabi, ariko ko ubu turi mu nzira yo gukora ibyiza ari nayo Karidinari Kambanda arimo, ahereye ku kuba ayo mateka nawe ubwe yaramugizeho ingaruka ku giti cye.

Perezida yavuze Ko kuba Karidinari Antoine Kambanda yaragizwe umwe mu bantu ba hafi ba Papa, ari iby’igiciro nk’umunyarwanda kandi ko bizakomeza umubano u Rwanda rufitanye na Vatikani ndetse na Kiliziya Gatulika muri rusange, kandi ari intamwe nziza kuri Kiliziya Gatulika mu Rwanda asoza asezeranya Kiliziya Gatulika ubufatanye mu kugera ku ntego zayo.




1,338 total views, 3 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.