#Kwibuka32: Umujyi wa Toronto wemeje ku mugaragaro ko tariki 07 Mata buri mwaka ari Umunsi Mpuzamahanga wo Kwibuka Jenoside yakorewe Abatutsi mu 1994 mu Rwanda

Umujyi wa Toronto, muri Canada, wemeje ku mugaragaro ko tariki 07 Mata buri mwaka ari Umunsi Mpuzamahanga wo Kwibuka Jenoside yakorewe Abatutsi mu 1994 mu Rwanda igahitana ubuzima bw’abarenga miliyoni.

Itangazo (Proclamation), Umuyobozi w’uyu Mujyi, Olivia Chow yasohoye rivuga ko Jenoside yakorewe Abatutsi ingaruka zayo zigikomeza kugaragara ku bayirokotse n’uruhererekane rw’imiryango hirya no hino ku Isi.