Itorero Inganzo Ngari mu gihe rigeze kure Imyiteguro y’igitaramo “ Umurange w’Ingazo” cyo kwizihiza imyaka 20 ishize rishinzwe kizabera muri BK Arena tariki 21 Ugushyingo 2026 ryasabye abakunzi baryo gukomeza kugura amatike ku bwinshi kuko yamaze kugera hanze
Nkuko twabitangarijwe na Serge Nahimana Umuyobozi w’Itorero inganzo Ngari yasabye abakunzi b’Inganzo ngari ndetse n’umuziki w’injyana Gakondo kugura amatike yabo hakiri kare kuko yamaze kugera kw’isoko mu byumweru bibiri bishize kandi akaba akomeje kugurwa cyane ku buryo umunsi w’igitaramo hari abashobora kuzabura uko baza kwihera ijisho imwe mu mikino n’ibyino bateguriwe n’itorero ryabo bakunda .
Tumubajije ku bijyanye n’imyiteguro Serge yadutangarije ko bo imyiteguro bayigeze kure cyane kuko bamaze amezi atari munsi y’atandatu bitegura kuko mu rwego rwo kwerekana ubuhanga bamaranye imyaka 20 mu muziki gakondo bateguye ibintu byinshi cyane kugira abakunzi babo bazishime .
Amwe mu mateka y’Itorero Ingazo Ngari
Itorero Inganzo Ngari ni rimwe mu matorero akomeye mu Rwanda akoresha imbyino, indirimbo n’ubuhanzi gakondo mu gusigasira no kumenyekanisha umuco Nyarwanda.
Ryashinzwe mu 2006, ritangira urugendo rwo kugeza umuco ku rubyiniro mu buryo bugezweho ariko budatakaje umwimerere.
Mu myaka imaze, Inganzo Ngari yagiye itegura ibitaramo byibanda ku mateka y’u Rwanda, indangagaciro n’umuco warwo.
Kuva mu 2009, ryakoze ibitaramo birimo ‘Inganzo Twaje’, ‘Umuco Kagozi ka Bugingo Kabuza u Rwanda Gucika’, ‘Bwiza bwa Mashira Budashira, Irora n’Irongorwa’ ndetse na ‘Inzira ya Bene u Rwanda’.
Mu 2015, ryakoze igitaramo ‘Ruganzu I Bwimba’, cyibanze ku mateka y’Umwami Ruganzu I Bwimba, mu gihe mu 2018 ryateguye ‘Urwamazimpaka’. Mu 2023, ryagarutse ku mateka y’u Rwanda mu gitaramo ‘Ruganzu II Ndoli Abundura u Rwanda’.
Mu 2020, ubwo ibikorwa byinshi byari byarahagaritswe kubera COVID-19, ryatangiye gutaramira abantu kuri YouTube mu bitaramo birimo ‘Urw’Inziza’.
Mu 2025, ryakoze ‘Tubarusha Inganji’, igitaramo cyabereye muri Camp Kigali ku Muganura, kigaruka ku mateka y’u Rwanda n’uburyo rwagiye rwishakamo ibisubizo.
Kugeza ubu amatike yo kwitabira igitaramo “Umurage w’intore ari kw’isoko Aho kwinjira ari Ibihumbi 10.000 Frw mu myanya yo hejuru , 25.000Fr mu myanya yegereye ikibuga ,30.000Frw Premium na 50.000Frw mu myanya yo mu kibuga naho .ameza ya VVIP ni 400.000Frw
Ku bantu bazagura amatike bakoreshe amakarita ya BK bazagabanyirizwa 25 % iyo ariyo yose kugeza ku wa 30 Ukwakira
