Umufaransa, David Lappartient yongeye gutorerwa kuyobora Impuzamashyirahamwe y’Umukino w’Amagare ku Isi (UCI) mu myaka ine iri imbere.
Mu gihe mu Rwanda harimo harabera shampiyona y’Isi y’Amagare ya 2025 kuva tariki ya 21 kuzageza tariki ya 28 Nzeri 2025, kuri uyu wa Kane muri Kigali Convetion Center habereye inama y’Inteko rusange ya UCI.
Muri iyi nama y’Inteko Rusange yafunguwe na Perezida wa Repubulika y’u Rwanda,Paul Kagame habereyemo amatora ya komite nshya ya UCI muri manda y’imyaka ine iri imbere izagera muri 2025.
David Lappartient usanzwe uyobora kuyobora Impuzamashyirahamwe y’Umukino w’Amagare ku Isi (UCI) kuva muri 2017 niwe wenyine wiyamamaje ku mwanya wa Perezida ubundi aza no kwemezwa nta matora abayemo nkuko amategeko abiteganya.
Minisitiri wa Siporo mu Rwanda,Nelly Mukazayire ni umwe mu bamushimiye nyuma y’uko atowe.
Abinyujije kuri X yanditse ati” Ndagushimiye David Lappartient kuba wongeye gutorwa nka Perezida wa UCi. Tuzakomeza gukorana mu bijyanye n’iterambere ry’amagare mu Rwanda Afurika no ku ruhando mpuzamahanga.Nkwifurije amahirwe masa.”


