Perezida wa Senegal, Bassirou Diomaye Faye, yashyizeho guverinoma nshya ku mugoroba wo ku wa Gatandatu, nk’uko byatangajwe mu iteka ryasomwe kuri televiziyo y’igihugu.
Iyi guverinoma nshya iranzwe n’ukweguzwa kwa Minisitiri w’Ubutabera n’uw’Ubutegetsi bw’Igihugu, ndetse hashyirwaho umuyobozi mushya wa Minisiteri y’Ububanyi n’Amahanga.
Iyi guverinoma nshya yaranzwe n’impinduka zikomeye: Cheikh Niang, umuny Diplomasi wahoze ahagarariye Senegal muri Loni i New York no mu bihugu bitandukanye, ni we wagizwe Minisitiri w’Ububanyi n’Amahanga.
Yasimbuye Madamu Yassine Fall, wagizwe Minisitiri w’Ubutabera, asimbura umucamanza Ousmane Diagne wari umaze igihe ayobora iyo minisiteri kuva guverinoma ya mbere yashingwa mu kwezi kwa Mata 2024.
Ku mwanya wa Minisitiri w’Ubutegetsi bw’Igihugu, hashyizweho Mouhamadou Bamba Cissé, umunyamategeko wa Minisitiri w’Intebe Ousmane Sonko.
Iyi ntizaba guverinoma yo kuruhuka, ahubwo izaba guverinoma y’iyitangira n’ukurwanira ishyirwa mu bikorwa ry’intego. Tuzaba abantu batagendera ku mpuhwe kandi tuzaba ab’ikirenga mu kwitonda. (Bizaba ngombwa) gukora amasaha 24 kuri 24, iminsi irindwi ku cyumweru, dukurikije uko ibintu twabisanganye.”
Aya magambo yavuzwe na Minisitiri w’Intebe Ousmane Sonko, mu buryo bwo gusobanura ibyo afata nk’ibisigisigi by’ubutegetsi bwa Perezida wahozeho Macky Sall (2012–2024).
Sonko yasobanuye ko impamvu yahisemo guhindura umuyobozi wa Minisiteri y’Ubutabera ari uko yashakaga ko iyi minisiteri igarurira icyizere cy’Abasenegali kandi ikongera kwiyunga n’abaturage.
Aherutse kandi kugaragaza ko guverinoma nshya n’ishyaka riri ku butegetsi byakunze kunenga cyane gutinda mu iperereza ku bikorwa by’ihohoterwa byahitanye abantu amagana hagati ya 2021 na 2024, ndetse n’imicungire mibi bivugwa ko yari isanzwe ikorwa mu gihe cy’ubutegetsi bushize.
Minisitiri w’Intebe Ousmane Sonko yagumijwe ku mwanya we na Perezida Bassirou Diomaye Faye, watangiye imirimo mu kwezi kwa Mata 2024. Perezida Faye yamusimbuje vuba aha nyuma y’uko kandidature ye ku matora ya Perezida yaburijwemo mu kwezi kwa Werurwe 2024.
Iyi guverinoma nshya yashyizweho mu gihe Senegal ihanganye n’ibibazo bikomeye by’ubukungu: ingengo y’imari ifite icyuho cya 14%, umwenda wa Leta ugeze kuri 119% by’umusaruro mbumbe w’igihugu (PIB), mu gihe ubushomeri buri ku kigero cya 20% naho ubukene bukaba buri ku 35,7% by’abaturage, nk’uko imibare ya Leta ibigaragaza.
Mu ntangiriro z’ukwezi kwa Kanama, Minisitiri w’Intebe Sonko yari yatangaje “gahunda yo kuzahura ubukungu n’imibereho myiza y’abaturage”, izaterwa inkunga ku kigereranyo cya 90% n’imbaraga z’imbere mu gihugu, kugira ngo igihugu cyigengere ku buryo bw’ubukungu. Ibi bikaba biterwa n’uko Senegal iri mu biganiro n’Ikigega Mpuzamahanga cy’Imari (FMI) ishaka inkunga nshya.
Abayobozi bashya bavuga ko basigiwe umutwaro uremereye n’ubutegetsi bwa Macky Sall, ubwo bushinjwa guhisha imibare nyayo ku byerekeye imyenda ya Leta n’icyuho cy’ingengo y’imari.
