Mushyoma Joseph uzwi nka Bubu akaba umuyobozi wa EAP, yatangaje ko abahanzi 7 batwaye Primus Guma Guma Super Star batumiwe mu bitaramo bya MTN Iwacu Muzika Festival bigiye kuzenguruka mu turere turindwi tw’u Rwanda.
Ni ibitaramo bizaba kuva ku wa 20 Kamena 2026 kugeza ku wa 1 Kanama 2026 nk’uko byatangajwe mu kiganiro n’abanyamakuru kuri uyu wa mbere.
Bisobanuye ko abazitabira ibi bitaramo barimo:
– Bruce Melodie uzataramira i Ngoma.
– Urban Boys izataramire mu Karere ka Rubavu.
– Riderman ataramire i Musanze.
– Knowless ataramire i Muhanga.
– Dream Boys (izaba ihagarariwe na Platini) izataramira i Huye.
– Tom Close azataramira i Nyagatare.
Hazabaho n’umwanya wihariye wo guha icyubahiro Jay Polly witabye Imana.
Aba bahanzi bazajya biyongera ku batangajwe ko bagiye kwitabira ibi bitaramo barimo Chriss Eazy, Bushali, Marina, Kenny Sol, Davis D, Kevin Kade na Ross Kana.
EAP isanzwe itegura ibi bitaramo ku bufatanye na sosiyete nka MTN Rwanda na Primus.
Muri uyu mwaka hiyongeyeho BPR Bank Rwanda Plc.
