Ntimugasuzugure abagabo badafite amafaranga -Zari abwira abagore
Umuherwekazi Zari Hassan yagiriye inama abagore yo kudahora bashyira imbere amafaranga igihe bari gushaka umugabo bakundana, ndetse bakaba banabana bakagura umuryango.
Uyu mubyeyi w’abana batanu, yavuze ko rimwe na rimwe umugore aba akwiye kureba umugabo umutima we ushaka (ukunda) atagendeye ku butunzi bwe.
Ati “Abagore bakunze kubwirwa bati ‘Ukeneye umugabo ukize; shaka uwo muntu.’ Hari igihe utazabona umugabo nk’uwo. Hari igihe uzabona umuntu ukwiye mugafatanya kwiyubaka.
“Ibyo ni byo nakoze nge na Ssemwanga (uwahoze ari umugabo we witabye Imana). Ntimugasuzugure abagabo badafite amafaranga. Abagore babwirwa ko umugabo agomba kuba akize, nyamara n’abo bagabo badafite amafaranga na bo ni abantu nk’abandi.”
