Umuhanzi Kevin Montana umaze kumenyekana nka King Of Amapiano hano mu Rwanda yashyize umukono ku masezerano y’ubufatanye na Zuru Hotel Bravo na Zuru Motel ziri mu zigezweho I Rubavu yo kuzajya amenyekanisha ibikorwa by’izo hotel binyuze mu Kwamamaza.
Aya masezerano yashyiriweho umukono mu karere ka Rubavu mu muhango witabiriwe na Kevin Montana n’uhagarariye izo hotel zombi aho bagaragaye basoma ndetse banashyira umukono ku nyandiko zemeza ubufatanye bwabo bombi
Ubu bufatanye ni amahirwe ku mpande zombi, aho Kevin Montana azakoresha izina rye n’ubwamamare afite mu kumenyekanisha Zuru Hotel Bravo, mu gihe iyi hoteli izungukira mu kumenyekana no kugera ku bantu benshi binyuze mu bikorwa by’uyu muhanzi.
Mu kiganiro na Kevin Montana usanzwe azwiho nawe kuba akora serivise zigendanye no kwakira abakerarugendo yadutangarije ko kuba yagiranye amasezerano na Zuru Hotel zombi bizamufasha nawe kwagura ibikorwa bye kuko nk’umuntu usanzwe atembereza ba mukerarugendo mu byiza nyaburanga by’u Rwanda azungukiramo byinshi na Hotel ikahugukira abakiliya azajya aba yazanye .
Yasoje adutangariza ko ayo masezerano ari ibanzirizamushinga munini bafitanye y’amezi atandatu azinyongera
Kugeza ubu Zuru Hotel Bravo iherereye I Rubavu itanga za serivise zose zitangwa mu mahoteli aho bafite appartement zitandukanye. Ibyumba byiza, Restaurant ,Gym ni bindi byinshi bikenerwa nakoresha amahoteli.
Gukorana kw’abahanzi n’ibigo by’ubucuruzi ni imwe mu nzira zikoreshwa mu kwamamaza ibikorwa, guteza imbere ibirango no kongera umubano hagati y’ibigo n’abakiliya babyo.
