Korari Magnificat ikorera Ibikorwa byayo muri Cathedral ya Ruhengeri yakoreye igitaramo cyo kwitegura “Assumption” mu mugi wa MUSANZE ho mu Karere ka Musanze mu Ntara y’Amajyaruguru.
18:15 Umuhanzi SEKABUKE yahamagawe ahabugenewe kugira ngo ageze kubakirisitu batandukanye bitabiriye igitaramo korari Magnificat yateguye aza yambaye imyenda y’umweru ku Ipantaro n’ishati n’inkweto z’umukara arangajwe imbere n’ababyinnyi be b’igitsina gore bamufasha gushimisha abaje kwihera ijisho uko igitaramo korari Magnificat yateguye kugira ngo igeze ubutumwa butandukanye ibunyujije mu bihangano bafite bitandukanye.
Umuhanzi SEKABUKE yabwiye abitabiriye ko impamvu korari Magnificat yateguye iki gitaramo kwari ukugira ngo bitegure hakiri kare umunsi mukuru wa Assoumption.
Yageze ku ndirimbo ya kabiri yise ‘Rurema’ abitabiriye iki gitaramo bahita bahaguruka bayiririmbana nawe yewe n’abandi babasha kumufasha kuyibyina.
18:30 Nibwo Nyiricyubahiro Musenyeri Vincent HAROLIMANA yasesekaye ahari kubera igitaramo cyateguwe na korari Magnificat ikorera Ibikorwa byayo muri Diyoseze ya Ruhengeri.
18:35 Perezida wa korari Magnificat witwa NIYIGABA Emmanuel yahawe ijambo kugira ngo abashe guha ikaze Nyiricyubahiro Musenyeri Vincent HAROLIMANA abasha gukomoza ko icyatumye bategura iki gitaramo kwari ukugira ngo bitegure neza ‘Assomption’ akomoza ko iyi korari yaje Ari korari ya munani muma korari akorera muri Cathedral ya Ruhengeri.
Avuga ko iki gitaramo kizajya kiba buri mwaka aribyo bita ngaruka mwaka. Anashimira Nyiricyubahiro Musenyeri Vincent HAROLIMANA witabiriye iki gitaramo ndetse n’abasaseridoti bose n’abihaye IMANA bose anashimira Ubuyobozi bwabahaye Salle bakoreyemo yitwa Notre Dame de Fatima asoza anakomoza k’urubyiruko rwose rushaka kujya muri Korari Magnificat ko bahawe ikaze.
18:45 Korari Magnificat yagarutse ku rubyiniro bahita baririmba indirimbo nziza cyane batuye Nyiricyubahiro Musenyeri Vincent HAROLIMANA kugira ngo abashe kugubwa neza mu byicaro bye bamuririmbira amaso kuyandi.
Bageze ku ndirimbo ya kabiri baririmbamo ngo NZAMUBONA UMUNSI UMWE abaje mu gitaramo bose bahita bahaguruka baririmbana na Korari Magnificat banabyina iyi ndirimbo nziza cyane irimo amagambo meza n’inyigisho irangira batabishaka basaba ko yasubizwamo bahitamo gushyiramo indi bari bateguye.
Iyi Korari Magnificat yaririmbye mu majwi meza cyane kandi ukumva bagendera hamwe ku majwi neza neza. Noneho babasha kuririmba indirimbo ya Rugamba Sipiriyani yise ‘Amasimbi’ biba byiza cyane kurushaho mbese bitangira kuba uburyohe ari nako abaje bakomeje kuryoherwa n’igitaramo mu buryo bwimbitse.
19:10 Umushyushyarugamba yavuze ko ari umwanya wo guha inkunga iyi Korari Magnificat aho Umufatanyabikorwa uzwi ku izina rya MUJYAMBERE wahawe ijambo yashimiye Umushumba mukuru wa Katedrale ya Ruhengeri ariwe Nyiricyubahiro Musenyeri Vincent HAROLIMANA ndetse n’abasasedoti bose babashije kuza mu gitaramo cyateguwe na korari Magnificat.
Korari Magnificat imaze imyaka isaga 10 iririmbira muri Katedrale ya Ruhengeri ikanaba imaze gutegura ibitaramo bine bitandukanye byo kwitegura Assumption.
19:25 Nibwo byageze aho gutera inkunga iyi Korari Magnificat n’uko umwe mubafatanyabikorwa w’umuherwe yabashije kuyiha inkunga atabashije gutangaza bitewe n’umutekano we.
Hakurikiraho igikorwa cyo gutanga nimero bayiheraho inkunga ariyo +250783526196 kugira ngo buri wese ayifashe uko ahagaze ku mufuka we.
Undi ukuriye Chorale ya Ishema nayo ikorera Ibikorwa byayo bya buri munsi muri Cathedral ya Ruhengeri witwa MUNYANEZA Denis ahabwa ijambo avuga ko bishimiye cyane Kuba Nyiricyubahiro Musenyeri Vincent HAROLIMANA yitaniriye uyu muhango wiyi Chorale ndetse ntiyatinzamo abaha inkunga ingana n’amafaranga ibihumbi magana abiri na mirongo itanu y’amafaranga y’u Rwanda (250,000Frws).
20:10 Padiri mukuru wa Paruwasi nkuru Cathedral ya Ruhengeri Vincent TWIZEYIMANA yahawe umwanya ngo agire icyo avuga kuri Chorale Magnificat yakoze igitaramo cyo kwinjiza abakristo muri Assumption abasha gutangaza ko bashimiye cyane Chorale Magnificat byimazeyo kubera usibye gutegura iki gikorwa ku nshuro ya kane ahubwo basanzwe babafasha mu kuririmba muri misa zitandukanye cyane cyane izabashaka kubana akaramata cyangwa izabasezeranye.
Ikiyongeyeho n’uko kandi ariyo ihorana umwihariko wo gutegura igitaramo cyo kwinjiza abakristo muri Assumption abasha gusoza ashimira abitabiriye bose muri rusange.
20:10 Nyiricyubahiro Musenyeri Vincent HAROLIMANA yahawe ijambo ngo agire icyo ageza kubitabiriye iki gitaramo cyateguwe na korari Magnificat abasha kuvuga ko atangiriye kuzasabwe abanza kuririmba indirimbo n’abitabiriye bose noneho aba yatangira kuvuga icyatumye abura mu bindi bitaramo bitatu bakoze akabura uko aza akaba abonetse ku nshuro ya kane.
Asobanura ko icyatumye abura incuro eshatu zikurikiranya byatewe n’akazi kenshi iyi korari Magnificat yateguraga igitaramo afite kukizamo bikamugora cyane dore ko hari n’igihe byahuzaga no Kuba yarabaga afite uruzinduko rwo kurira indege akajya mu bihugu bitandukanye.
Ati: Iyi Chorale irakataje cyane bikomeye bitewe n’uko yatangiye nyireba mu maso yanjye, Ndakomeza gushimira iyi korari bitewe n’uko bahawe ingabire y’ukwemera bitewe n’uko ingabire zose Imana yabahaye babashije kuzibyaza umusaruro.
Ndashimira kandi abayobozi niyi korari kubera ko bigomwa igihe cyabo byose bigamije icyubahiro cy’Imana bakabasha kuzibyaza umusaruro ari n’abyo bituma ihagarara neza cyane. Yitegereje inshuti ziyi korari abonamo abana benshi abasaba ko bakuza impano bafite abasaba ko ubutaha yazajya abonamo abana benshi kandi korari ibereye abana kugira ngo amajwi ajye aza anonosoye birenze uko bimeze ubu.
Yasoje ashimira iyi korari Magnificat yinjije abakristo muri Assumption anifuriza bose kuzagira umunsi mwiza wa Assumption.
