Uwahoze ari Nyampinga w’u Rwanda 2016, Mutesi Jolly, yashyizwe ku rutonde rw’abantu 100 bazahabwa ibihembo by’icyubahiro bya Iconic Personalities Awards 2026, bizabera muri Lagos muri Nigeria.
Aya marushanwa agamije guha agaciro abantu bagaragaje uruhare rukomeye mu iterambere rya Afurika, mu nzego zitandukanye zirimo ubucuruzi, ubuyobozi, ubumenyi, n’imibereho myiza y’abaturage.
Mutesi Jolly yashyizwe kuri uru rutonde ku nshuro ya mbere, ahanini ashingiye ku ruhare rwe mu bikorwa by’iterambere n’ubugiraneza, cyane cyane mu guteza imbere urubyiruko n’abakobwa.
Abandi bantu bari kuri uru rutonde rw’abazahabwa ibihembo barimo ibyamamare nka Elizabeth Bello, impanga Joseph Okon na Emmanuel Okon, Tania Ngo, Berthe Shastri, Jacqueline Julius wo muri Tanzania, Victoria Smart, Sharon Otieno, Divine Joy, Joseph Brigs na Cynthia Chioam Ekeka, ndetse n’abandi benshi.
Kwinjira kwa Mutesi Jolly mu bantu 100 b’indashyikirwa ni ishema rikomeye kuri we no ku Rwanda muri rusange, bikaba bigaragaza uruhare rukomeje kwiyongera rw’u Rwanda mu guteza imbere Afurika haba ku rwego rw’umugabane ndetse no ku rwego mpuzamahanga.
Ibi bihembo biteganyijwe gutangwa ku wa 10 Mata 2026, bikazabera muri hoteli ya Oriental i Lagos, aho hazahurira abantu batandukanye bafite uruhare mu guteza imbere umugabane wa Afurika.
Kwinjira kwa Mutesi Jolly muri aba bantu 100 b’indashyikirwa ni ishema rikomeye ku Rwanda, bikagaragaza ko Abanyarwanda bakomeje kugira uruhare rufatika mu iterambere rya Afurika no ku rwego mpuzamahanga.
