Kuri uyu wa 10 Gicurasi, mu Karere ka Rulindo, mu Bitaro bya Kinihira hafunguwe kumugaragaro igikorwa cyo kuvura indwara y’amaso.
Ni igikorwa umuryango ‘The Fred Hollows Foundation (FHF)’ ku bufatanye n’Ingabo z’u Rwanda (RDF) uri gushyira mu bikorwa gahunda yiswe ‘RDF Citizen Outreach Program 2026’, igamije gukorera abaturage 6,000 babazwe indwara y’ishaza mu gihe cy’amezi atatu mu turere 30 twose tw’u Rwanda.
Iyi gahunda izakorwa mu byiciro bitandukanye hirya no hino mu ntara zose z’Igihugu, hagamijwe korohereza abaturage kubona serivisi z’ubuvuzi bw’amaso bufite ireme no kugabanya ubuhumyi bushobora kwirindwa.
