Ku munsi wejo tariki ya 15 Nyakanga 2026 mu Karere ka Gakenke mu murenge wa Gakenke mu kagari ka Buteha mu mudugudu wa Karambi hafashwe umwarimu witwa Uwazigira Marcelle Clément ufite imyaka 35 y’amavuko kubufatanye n’Umunyamabanga nshingwabikorwa w’Umurenge wa Buheta witwa KABERA Jean Paul, Ndagijimana Tharcisse, Irondo ry’umwuga na DASSO.
Uyu mwarimu yigisha muri GS Kamubuga ukekwaho gukorana n’abajura biba amatungo magufi akabagirwa iwe bagatwara inyama, Ubuyobozi bwagezeyo busanga ihene 3 n’intama 3 zikingiranye mu gikoni bicyekwa ko harimo iz’uwitwa Nyiraruhungo Esperance ufite imyaka 28 y’amavuko arebyemo koko asangamo ihene ye yari yabuze.
Intama 3 nazo haje uwitwa Habumugisha Joseph ufite imyaka 60 y’amavuko utuye Kagoma/ Rurambi asanga ari ize yari yarabuze le 04 Nyakanga 2026.
Ihene 2 zari zitarabona nyirazo haje uwitwa Ngiranatanyurwa Laurent ufite imyaka 73 y’amavuko utuye Kagoma/Bukanka asanga ari ize yari amaze ibyumweru 2 abuze.
Uyu Uwazigira Marcelle Clément abajijwe uko aya matungo yahageze yemeye ko ari abajura batandukanye bayamuzanira akayagura nabo ahita ashikirizwa Police naho amatungo yose uko ari 6 asubizwa ba nyirayo basabwa kujya gutanga ikirego kuri RIB station ya Gakenke.
Umunyamakuru yagize amakenga ahamagara umuvugizi wa Police mu Ntara y’Amajyaruguru CIP NGIRABAKUNZI Ignace agira ati:” Kuba byo ni ukuri kumakuru yatanzwe n’abaturage kubera ko hari umuntu bakeka ko ashobora Kuba agira uruhari mu bujura bw’amatungo kubufatanye n’inzego zibanze Koko zihita zijyayo kureba zisanga Koko afite amatungo ariko nta kintu kigaragaza ko amatungo ari aye basanga aho ayo matungo yarari hatandukanye naho amatungo aba bayasanga mu gikoni nta kindi kintu kirimo ahita atabwa muri yombi yemera ko ayazanirwa n’abajura kubera ko nta kintu na kimwe cyerekana ko ayo matungo ayagura naba nyirayo ndetse nabayabuze baje kuyabona bitewe nuko berekanye ibimenyetso byemeza ko ayo matungo ari ayabo bari barayabuze barayasubizwa ucyekwaho ubwo bujura bw’amatungo afungiwe kuri station ya Gakenke kugira ngo hakorwe iperereza yerekane n’abandi bose bafatanya muri icyo gikorwa babashe gukurikiranwa nk’uko amategeko abiteganya”.
