Ikipe ya Rayon Sports y’Abagore yanganyije na Top Girls Academy WFC ikatisha itike ya 1/2 imikino yo mu karere ka Afurika y’Iburasirazuba no hagati yo gushaka itike ya CAF Women’s Champions League.
Uyu mukino wo ku munsi wa nyuma wo mu itsinda B wakinwe kuri uyu wa Mbere saa Sita z’amanywa kuri Ulinzi Complex. Murera y’Abagore yari yawujemo ibizi ko isabwa kunganya cyangwa igatsinda kugira ngo ihite ikatisha itike ya ½ nyuma y’uko mu mukino wo ku munsi wa mbere yari yitwaye neza itsinda Comemercial Bank of Ethipia yo muri Ethiopia ibitego 2-1.
Uyu mukino warangiye Rayon Sports y’Abagore inganyije na Top Girls WFC yo mu Burundi 0-0 ihita ikatisha itike ya ½. Mu itsinda ryayo iyi kipe ifite amanota 4 aho ikurikiwe na Top Girls ifite inota 1 na CBE FC yo idafite inota.
Ni ku nshuro ya Kabiri Rayon Sports y’Abagore igiye kwitabira iyi mikino nyuma y’uko mu mwaka ushize yari yitabiriye bwa mbere.
