Kuri uyu wa gatatu nibwo ikipe ya Rayon sports yari ifite umukino w’amateka wagombaga kuyihuza n’ikipe ya Yanga SC, uyu mukino w’amateka kuri rayon sports ukaba urangiye Rayon iwutsinze igitego kimwe kubusa bwa Yanga SC.
Uyu mukino wo mu itsinda rya D, Rayon Sports yasabwaga kuwutsinda kugira ngo igere muri ¼, maze ibe ikipe ya mbere yo mu karere duherereyemo k’ibiyaga bigari igeze 1/4 muri aya marushanwa.
Rayon sports benshi mu bafana bayo bita gikundiro ikoze amateka yo kugera muri 1/4 mu marushanwa ya CAF Confederation Cup 2018.
Ni umukino wabaye benshi mu bakunzi ba rayon bafite ubwoba bwinshi kubera ko yari igiye guhatana n’ikipe ya Yanga idafite benshi mu bakinnyi b’inkingi za mwamba bayo barimo Yannick,Diarra, Pierrot,Manzi Thierry n’abandi batandukanye kubera impamvu zitandukanye.
Ntubwo byari urugamba rutoroshye ntago bibujije ikipe ya Rayon Sports gutsinda uyu mukino ku gitego kimwe cyatsinzwe na rutahizamu Bimenyimana Bonfils Caleb, iki gitego akaba aricyo gikoze amateka yo kugeza Rayon Sports muri 1/4 mu marushanwa ya CAF Confederation Cup 2018.
Dore Abakinnyi babanje mu kibuga ku makipe yombi:
Rayon Sports ababanje mu kibuga: Bashunga Abouba (GK), Nyandwi Saddam, Eric Rutanga, Mutsinzi Ange Jimmy, Donkor Prosper, Rwatubyaye Abdul (C,26), Mugisha Francois Master, Manishimwe Djabel, Bimenyimana Bonfils, Muhire Kevin na M.Gabriel.
Yanga SC ababanje mu kibuga: Beno Kakolanya, Abdalah Shaibu Ninja, Gadiel Michael Mbaga (C), Anderew Vicent Dante, Kelvin Yondani, Pius,Daudi Loti, Deus Kaseke, Ibrahim Ajib Migomba, Matheo Anthony na Makambo
