Abakobwa 9 batarimo umunyarwandakazi bari guhatanira kuba umugore wa Eric Omondi

Umunyarwenya Eric Omondi Ongao uri mu bakomeye ku mugabane wa Afurika yatunguye benshi ubwo yavugaga ko yifuza umukobwa bazarushinga bakabana akaramata ariko uwo mwari akaba azaboneka binyuze mu matora azagirwamo uruhare n’Abanya Kenya bose.

Uyu musore wiyita Perezida w’umukino w’Urwenya [President of Comedy Africa] muri Afurika yose yavuze ko n’ubwo afite ibintu byose birimo amafaranga menshi, studio nziza, imodoka n’inzu ebyiri nziza ariko icyo abura gikomeye ari umugore.

Mu buryo benshi babanje kugira ngo ni urwenya ari gutera ariko byaje kurushaho gutungura benshi ubwo yavugaga ko atari urwenya ndetse ahita anashyiraho numero ya telefone abakobwa bazajya bamwoherezaho amashusho yabo kugira ngo abanya-Kenya bazahitemo umubereye.

Eric Omondi yahamagariye abakobwa bose bumva bifuza kumubera umugore barimo abo mu gihugu cya Kenya abarizwamo, Tanzania ndetse na Uganda ariko avuga ko n’abo mu bindi bihugu badahejwe, upfa kuba wiyumvamo ubushake n’ubushobozi.

Amashusho yashyize ku mbuga nkoranyambaga ze yavugaga ko “Imana yamuhaye umugisha ikamuha ibintu byinshi, impano ndetse imuha n’iterambere mubyo akora byose.”

Akomeza agira ati “Mfite amafaranga, Imana yampaye umugisha, urebye ibikenerwa byose ndabifite Imana yarabimpaye, ariko mu bintu by’ingenzi ntabwo mfite umugore. Umugore, umufasha kandi ndi hano kubera ko aricyo kintu mbura mu buzima bwanjye.”

“Ndashaka gusaba abanya-Kenya kumfasha kubona umugore, ntabwo ari urwenya ! Niba uri umukobwa, umugore, ukaba wumva uri umugore nkeneye mu buzima bwanjye, ohereza video kuri iyo numero ya WhatsApp, umbwire impamvu wumva ko waba umugore wanjye. “

Uyu musore wahise atanga iyo numero ya WhatsApp, ndetse akavuga ko uwafata ayo mashusho akayashyira kuri Instagram akamumenyesha nawe yayasangiza abamukurikira bagahitamo.

Yavuze kandi ko uzatoranywa cyangwa uzatsinda irushanwa bazihita bakora ubukwe dore ko we yiteguye ibintu byose.

Kugeza ubu abakobwa icyenda nibo bamaze kwemezwa binyuze mu matora aho hategerejwe kuzakurwamo umwe uzatangazwa ku wa 26 Ukuboza 2020, ari nabwo biteganyijwe ko ubukwe buzaba.

Kuri ubu aba bakobwa bose uko ari icyenda batarimo umunyarwandakazi n’umwe dore ko ntan’uwigeze agerageza amahirwe, bari gukunda kugaragara bari kumwe na Eric Omondi mu gisa n’umwiherero kuko ibikorwa bitandukanye bagenda babikora bari kumwe. Aba bakobwa nibo batoranyijwe muri benshi, hazavamo umwe ashyingiranwe na Eric Omondi

911 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Machad Richard Nshimiyimana

Leave a Reply

Your email address will not be published. Required fields are marked *