C&J Itsinda rishya ry’abakobwa 2 muri muzika nyarwanda bashyize hanze indirimbo nshya n’amashusho yayo.Yumve

Itsinda C&J ry’abahanzikazi nyarwanda batuye mu Karere ka Musanze ryasohoye indirimbo y’amajwi n’amashusho yumvikanyemo amagambo akomeye agaragaza uburyo isi n’abayituye benshi bakomeje guca ukubiri n’indangagaciro za kimuntu.

Iyi ndirimbo iyo igitangira igira iti:”iyi si nta nyiturano kuyibamo nta mu maro,…ndarira ngatakamba singire n’umwe unyumva, iyo ubuzima buguhindutse abo mwari inshuti muhinduka abanzi…”

Aba bahanzi bakomeje bagira bati:”wa si we ibyawe si byiza birashoboka ko waba uri gusaza, wa si we ibyawe ni amayobera menya uri gusaza.”

Itsinda C&J ubusanzwe rigizwe n’abahanzikazi babiri bavuka mu muryango umwe. Iyi nyuguti ya C itangira izina Clementine dore ko umwe muri aba bahanzi yitwa Clementine Umuhire, uzwi nka Clemy mu buhanzi, mu gihe inyuguti ya J itangira izina Janviere, dore ko mugenzi we yitwa Mushimiyimana Janviere, uzwi nka Jamy muri muzika.

Ubwo baganiraga n’umunyamakuru wa Radiotv10 bavuze ko iyi ndirimbo yabo bayitezeho byinshi bizubaka umuryango nyarwanda. Clemy yagize ati:”Tuyitezeho umusaruro wo guhindura benshi ugendeye ku butumwa burimo, icyo waba uricyo cyose utagomba kucyiratana kuri iyi si kuko mukanya yaguhinduka ukayoberwa uko bigenze.”

Aba bahanzi nyarwanda bamaze gushyira hanze imizingo 2, albums zigizwe n’indirimbo zirenga 20.

Amajwi y’indirimbo yabo nshyashya ’Wa si we’ yakozwe na Brizz Beats naho amashusho akorwa na Abuba Muzazi (Uber Record).

598 total views, 1 views today

Facebook Comments
Share Button

auto ads

Recommended For You

About the Author: Machad Richard Nshimiyimana

Leave a Reply

Your email address will not be published. Required fields are marked *