BK All Stars Game ikipe ya Guibert yahigitse ikipe ya Arstide 89 kuri 83 (Amafoto)

 Ku mugoroba wo kuri uyu  wa gatanu tariki ya 1ugushyingo 2019 wari umunsi utegerejwe na benshi hano mu mugi wa Kigali  nyuma yo  kumenya ko amakipe abiri agizwe n’abasore babiri  Guibert  na Arstide  bahuriye ku mukino wa Nyuma wa BK All Stars muri Kigali Arena .

Kuva kw’isaha ya saa kumi n’imwe n’igice nibwo abantu benshi baturutse mu  bice bitandukanye by’umujyi wa Kigali bose berekezaga ku nzu y’ imikino ya Kigali Arena  I Remara aho  benshi bifuzaga  kwirebera byinshi byinshi  mu byiza bituma umukino wa Basket ball ukundwa cyane kanone ko mu mateka y’igihugu cyacu  hari ibyo twabonye tutari tumenyereye by’abakobwa  babyina mbere y’umukino  ndetse  no mu gihe cy’ikiruhuko hagati  bizwi muri Amerika nka ibintu byashimishije  benshi mu mbaga y’abari bitabiriye uwo mukino .

Ahagana ku isaha ya saa tatu z’ijoro ni bwo uyu mukino wari utegerejwe na benshi watangiye, ikipe yiswe ‘Team Guibert’ yabanje mu kibuga iyobowe na Nijimbere Guibert (C), Ndizeye Ndayisaba Dieudonne uzwi nka Gaston, Ngando Bienvenue na Michael Makiadi.

Ikipe yiswe Team Artside yo, yabanje mu kibuga abakinnyi Mugabe Arstide (C), Kaje Elie, Niyonkuru Pascal uzwi nka Kacheka, Sangwe Armel na Kami kabange.

Agace ka mbere kabihiye abari bitabiriye uyu mukino kuko wabonaga bakinnyi badashaka gukina ahubwo bashakaga gushimisha abafana, ariko mu buryo butabanyuze kuko ubwo aka gace kari karangiye babavugirije induru.

Aka gace akarangiye Team Guibert iyoboye n’amanota 31 kuri 25 ya Team Arstide.

Agace ka kabiri amakipe yombi yinjiye mu kibuga akina bifite igisobanuro ndetse ubona ko umukino ufite intego yo gutsinda kurusha gushimisha abafana.

Aka gace karangiye ikipe ya Arstide ikayoboye n’amanota 48 kuri 47 y’ikipe ya Guibert.

Agace ka gatatu abafana bari batangiye gusohoka kuko amasaha yari yamaze gukura, ikipe ya Guibert yigaranzuye ikipe ya Arstide iyitsinda ikinyuranyo cy’amanota abiri, biba amanota 70 y’ikipe ya Guibert kuri 68 y’ikipe ya Arstide.

Uko amasaha yicumaga ni nako abafana bagendaga bagabanuka kuko umukino warangiye hafi saa tanu z’ijoro, urangira ikipe ya Guibert itsinze iya Arstide amanota 89 kuri 83.

Uyu mukino ni wo wasoje umwaka w’imikino muri Basketball, aho umwaka wa 2019/2020 uzatangirira kuri ‘Legacy Tournament’ izaba tariki ya 07 kugera ku ya 10 Ugushyingo 2019 muri Kigali Arena.

Abagabo:

  1. Sangwa Armel /Espoir BBC
  2. Nyamwasa Bruno /RP-IPRC-KIGALI
  3. Niyonkuru Pascal (Kaceka) / APR BBC
  4. Ndizeye Ndayisaba Dieudonné (Gaston) / Patriots BBC
  5. Nshobozwabyosenumiza Jean Jacques Wilson /REG BBC
  6. Cyubahiro Armand /RP-IPRC-HUYE
  7. Nijimbere Guibert /RP-IPRC-KIGALI
  8. Mukengerwa Benjamin /REG BBC
  9. Hakizimana Lionel /Patriots BBC

Abagore:

  1. Imanizabayo Laurence /The Hoops
  2. Mwizerwa Faustine /The Hoops
  3. Akimana Ange /APR
  4. Nzaramba Cécile (RP-IPRC-SOUTH)
  5. Chloe Rothman (UBUMWE)
  6. Dusabimana Angèle

Abarushanyijwe  mu  gutsinda Dunk

  1. Nijimbere Guibert /RP-IPRC-KIGALI
  2. Rukundo Fabrice / ESPOIR
  3. Nkundwa Thierry / ESPOIR
  4. Kaje Elie /REG BBC
  5. Muhayumukiza Eric /RP-IPRC-HUYE
  6. Ndayisaba Ndizeye Dieudonné/ Patriots BBC

Dore urutonde rwa abakinnyi bakinnye muri  BK All-Star

Abakinnyi bagize Team Mugabe:Mugabe Arstide (C), Nshobozwabyosenumukiza Jean Jacques Wilsn, Kubanatubane Jean Philippe, Sangwe Armel, Mukengerwa Benjamin, Irutingabo Fiston, Rukundo Fabrice, Niyonkuru Pascal, Ruzigande Ally, Kami Kabange Milambwe, Kasongo Aubin Junior, Kaje Elie na Muhayumukiza Eric.

Umutoza ni Mwinuka Henry, yungirijwe na Buhake Albert.

Abakinnyi bagizeTeam Guibert: Nijimbere Guibert (C), Sagamba Sedar, Iyakaremye Emmanuel, Kubwimana Ally Kazingufu, Beleck Englebert, Muberwa Medard, Ndizeye Dieudonné, Hakizimana Lionel, Habineza Shaffy, Shyaka Olivier, Ngandou Bienvenue, Makiadi Ongea Michael na Mutabaruka Victor.

AMAFOTO : PLAISIR MUZOGEYE /KIGALITODAY

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *