Amashimwe kuri TMC wasoje icyiciro cya 3 muri kaminuza

TMC wuzuye akanyamuneza, ari mu banyeshuri 9,382 basoje amasomo yabo muri kaminuza nkuru y’U Rwanda,aho ndetse ashaka no gukomeza mu cyiciro gikurikiye cya PHD.

Mujyanama Claude uzwi nka TMC yasoje amasomo ye y’icyiciro cya Gatatu, muri kaminuza nkuru y’U Rwanda, akaba ari naho yari yarasoreje icyiciro cya kabiri n’ubundi muri iyi kaminuza.

TMC yasoreje mu ishami ry’ubuyobozi mu bucuruzi (MBA) mu gashami ko kugenzura imishinga (project management), aho kuri ubu abahawe impamyabumenyi ari abagabo ibihumbi 5,894 ndetse n’abagore ibihumbi 3,488.

Mujyanama Claude mu magambo ye yuzuye akanyamuneza, yagize ati: “Nishimiye gusoza icyiciro cya kabiri cya Kaminuza. Nakoze MBA muri project management. Ndashishikariza abahanzi bagenzi banjye kurushaho kwiyungura ubumenyi”

Abajijwe icyamuteye imbaraga cyo gukomeza kwiga bene aya masomo, cyane ko abahanzi biba bitaboroheye kugera kuri iki cyiciro cya Masters, yavuze ko buri muntu aba afite intego mu buzima bwe, ku bwe avuga ko nyuma y’ubuhanzi yarazi ko afite ubundi bushobozi muriwe yagira ibyo akora byagirira abandi akamaro bitari ukuririmba gusa.

Yongeraho ko icyamuteye gukomeza amasomo ye aruko ari mu gihugu cyiza, gishishikariza uburezi kuri bose,byaje kumufasha kuba ageze kuri uru rwego.

Nyamara TMC muri Nzeli ubwo yamurikaga akanasobanura igitabo cy’ubushakashatsi yakoze mu gihe amaze yiga icyiciro cya gatatu cya kaminuza, yavuze ko iki cyiciro yifuza ko cyamubera ikiraro kimuganisha mu gikurikiyeho aricyo PHD.

Mujyanama Claude yagize ati: “Bibaye amahire nakomeza umwaka utaha, Hanze niho haba heza nibyo nifuza. Nibura no kuba umuntu yajya n’ahandi akareba uko imico y’ahandi n’ubumenyi bw’ahandi no kwiga ahandi birafasha, hari ikintu gishya waba uzanye ugarutse mu by’ukuri.”

Icyo gihe yahamyaga ko kujya kwiga hanze amasomo ya PHD bishobora kugira ingaruka ku muziki wa Dream Boys, icyakora akongeraho ko icyiza cyaruko kwiga ari ukwiyubaka, umuntu aba yiyubaka. Kuba Dream Boys umwe muri bo yaba ari kwiyubaka mu bumenyi byaba ari inyungu kuri Dream Boys.



TMC mu ikanzu ye ahabwa iyi mpamyabumenyi ye, yavuze ko ubu imiryango ifunguye haba mu gukomeza gukora umuziki ari nawo ashaka guheraho ubu kuko ari nawo abamo, ndetse n’ibindi.

TMC agira inama abandi bahanzi zo kwiga cyane ko babifitiye ubushobozi bwo kubigeraho.

Muri 2008, Platini akirangiza amashuri yisumbuye yahuye na TMC bari bariganye i Butare mu mashuri yisumbuye ndetse bakaba bari banaturanye. Ibyo byatumye bakora itsinda baryita “Dream Boys”kugeza n’uyu munsi ni ko ryitwa.

Dream Boys ifite album zigera kuri esheshatu bamaze gushyira hanze ndetse ni bamwe mu begukanye igihembo cya Primus Guma Guma Super Star ubwo yabaga ku nshuro ya karindwi mu mwaka wa 2017.

Iri tsinda ryafashijwe na Muyoboke Alex kuva mu mwaka wa 2011 kugeza 2012 nk’umujyanama wabo, nyuma mu mwaka wa 2013 aba bahanzi binjiye mu nzu itunganya imiziki ya KINA MUSIC ari naho bari bakibarizwa kugeza magingo aya.

Facebook Comments
Share Button

auto ads

Recommended For You

About the Author: Jean paul Nsanzabera

Leave a Reply

Your email address will not be published. Required fields are marked *