Ntibisanzwe: Umugabo yasezeranye mu musigiti nuwo yakunze bageze mu rugo asanga ni igisambo cy’umugabo kihinduye umugore

Mu gihugu cya Uganda haravugwa inkuru idasanzwe y’umwe mu bayobozi b’Abayisilamu wakoze ubukwe aziko ashakanye n’umugore bagiye kubakana ariko bikarangira asanze umugeni we ari umujura w’umugabo.

Muhammed Mutumba usanzwe utuye mu cyaro cya Kyampisi mu Karere ka Kayunga yasezeranye mu musigiti waho asanzwe atuye n’umugeni bari bamaze igihe gito bamenyanye amubwirako yitwa SwabullahNabukeera.

Uyu mugabo avuga ko batigeze bakora imibonano mpuzabitsina mbere yuko basezerana kuko aribyo bari baremeranyijweho, nyuma yo gusezerana nabwo ntibabonanye kuko umugore yabwiye umugabo ko ari mu mihango ko bitakunda, ikinyamakuru monitor dukesha iyi nkuru kivuga ko umugabo yabyutse ajya Ku kazi ariko aza gutungurwa no gusanga umuturanyi we amutegereje ngo amuregere umugore we ko yasimbutse urupangu akajya kumwiba televiziyo ndetse ko ari umugabo.

Byarangiye hitabajwe polisi ijyana ukekwaho ubujura mu gihe umupolisikazi ari kumusaka asanga yashyize imyenda mu mabere kuko ntayo afite anakomeje asanga ni umugabo nubwo yari yitandiye nk’umusilamukazi.

Polisi yahise ihamagara umugabo we imubwirako uwo yita umugore we atari umugore ko ahubwo ari umugabo kimwe nawe abanza kwanga kubyemera asaba ko bamwereka ubwambure bwe asanga ni umugabo wigize umugore.

Mohammed wari uziko abonye umugore mwiza yahise agira ati:

” Twahuriye ku musigiti kuko nashakaga umugore mbona ni umukobwa mwiza wikwiza musaba urukundo aremera twemeranya kubana, ntitwigeze dukora imibonano mpuzabitsina kuko twagombaga kubanza kubana.” Uyu mugabo akomeza avuga ko urukundo rwabo rwamaze icyumweru kimwe mbere yuko banana atanze inkwano kwa nyirasenge w’umugore witwa Nuura Nabukeera.

Uyu nyirasenge w’ukekwaho ubutekamitwe yabwiye polisi ko nawe yaherukaga uyu mwisengeneza we kera ko yongeye kumubona amusaba umugisha wo kujya gushyingirwa arawumuha anakira inkwano nk’ibisanzwe.

Mutumba wari wigize umugore we avuga ko yabikoze kugirango arye amafaranga ya Mohammed ko ntakindi yari agamije.

Polisi yo itangaza ko izamukurikiranaho icyaha cy’ubujura n’ubutekamitwe.

142 total views, 1 views today

Facebook Comments
Share Button

auto ads

Recommended For You

About the Author: Machad Richard Nshimiyimana

Leave a Reply

Your email address will not be published. Required fields are marked *