Abazitabira igitaramo cya Kassav na Christopher bijejwe ibitangaza bikomeye

Mu gihe  abanyarwanda  benshi bafite amatsiko yo gutaramana n’itsinda rya Kassav rigizwe na  Pierre Edouard Décimus , Jacob Desvarieux,Georges Décimus,Jocelyne Béroard,Jean-Philippe Marthély,Jean-Claude Naimro ku munsi w’abakundana kw’itariki 14 Gashyantare  bari kumwe  na Christopher abanyarwanda bijejwe ibitangaza

Mu  rwego rwo gutangariza abanyarwanda uko icyo gitaramo kizaba kimeze  ubuyobozi bwa Arthur Nation ya Nkusi Arthur (Rutura)  na RG Consult ya Remmy Lubega usanzwe ategura ibitaramo bya Kigali Jazz Junction ku bufatanye na Kigali Convention Centre batangaje byinshi ku gitaramo cya Kassav

Budandi Nice wari uhagarariye Arthur Nation yatangaje ko iki gitaramo cyatangiye gutegurwa kuva kera ku buryo abantu badakwiriye kugira ikibazo , ahubwo nibaza bazishima bitavugwa.

Ati “Igitaramo cya Kassav’ cyatangiye gutegurwa kera. Natangiye kuvugana n’abareberera inyungu iri tsinda kuva muri Nyakanga 2019, twatangiye ibiganiro tumaze kumenya ko bari gukora ibitaramo bizenguruka Afurika yose twumva ko n’u Rwanda rwaba mu bihugu iri tsinda rizakoreramo ibitaramo cyane ko mu bitaramo twakoraga twashakaga kuzana abahanzi b’abanyabigwi.”

Yakomeje avuga ko batekereje kwifashisha Christopher kuko ari umwe mu bahanzi bakomeye mu Rwanda kandi bamaze igihe mu muziki akaba yari anasanzwe akora ibitaramo nk’ibi.

Ati “Turi kugerageza gushaka uwo twafatanya na we mu Rwanda , twasanze Christopher ari kwishimira imyaka icumi amaze mu ruganda rwa muzika nyarwanda bikaba byaranahuriyemo ko Christopher asanzwe akora ibitaramo ku munsi w’abakundana, twumva ko ari umuhanzi twakorana abanyarwanda bakabona igitaramo gifatika.”

Christopher yavuze ko iki gitaramo ari kinini cyane kurusha uko abantu bashobora kuba babitekereza. Yavuze ko abari kumufasha kugitegura bamwegereye agasanga akoranye nabo byaba byiza kurushaho.

Ati “Kuba ndi gukorana n’aya mazina, igitaramo nkitezeho byinshi. Nibwo bwa mbere nkoze igitaramo kitamvunnnye. N’isomo ryiza gukorana n’abantu nk’aba, nta munaniro imbaraga nyinshi ziri ku ko nzitwara ku rubyiniro. Nibigenda nabi ku rubyiniro ntacyo nzitwaza kuko nta kazi kenshi.”

Umuyobozi ushinzwe kumenyekanisha ibikorwa bya Kigali Radisson Blu & Convention Centre, Hanna Moges yavuze ko ari amahirwe kuri iyi Hoteli kuba igiye kwakira igitaramo nk’iki gikomeye kandi abazitabira bakaba bazagabanyirizwa ibiciro ku bintu bitandukanye kuri iryo joro ry’igitaramo.

Kassav’ itegerejwe mu Rwanda, mu gihe cy’imyaka 40 yakozemo album 20 mu gihe abarigize nabo bakoze album 12 bagiye bikorana ku giti cyabo.

Kwinjira muri iki gitaramo azaba ari 10 000 Frw mu myanya isanzwe, muri VIP 20 000 Frw na 30 000 muri VVIP. Buri munyarwanda n’umukunzi bashobora kugura amatike kuri rgconsultinc.com .iki  gitaramo  cyizabera muri Kigali Convention Center

Iri tsinda riri mu yakunzwe cyane ku Isi kuva mu 1979 ubwo ryatangiraga umuziki, rikazakorera igitaramo mu Rwanda ryizihiza imyaka 40 rimaze muri uru ruganda.

Muri iki gitaramo rizahuriramo n’umuhanzi Christopher Muneza usanzwe uri mu bafite ibihangano byiganjemo iby’urukundo binyura umubare munini byagera ku munsi w’abakundana bikaba akarusho. Nawe azaba yizihiza imyaka 10 amaze akora umuziki.

Mu kiganiro n’itangazamakuru cyabaye kuri uyu wa Kane tariki 23 Mutarama 2020, abari gutegura iki gitaramo n’abafatanyabikorwa babo batangaje byinshi kuri cyo banizeza abantu ko kizaba cyuje uburyohe.

56 total views, 1 views today

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *