Rwanda: Umubare w’abanduye Coronavirus wazamutse uva kuri 19 ugera 36

Mu ijoro ryo kuri uyu wa mbere  tariki 23 rishyira uwa 24  Werurwe  Minisiteri y’Ubuzima mu Rwanda yatangaje indi mibare mishya y’abanduye virusi ya Corona aho umubare wiyongereyeho abagera kuri cumi na barindwi(17) bose hamwe mu Rwanda hakaba hari abarwayi 36.

Muri iyi mibare mishya yagaragaye abanduye bose bigaragara ko bagiriye ingendo zitandukanye hanze y’u Rwanda mu bihe bitandukanye bishoboka ko ari naho bakuye icyorezo cya Coronavirus.

Abantu icyenda (9) baje mu Rwanda baturutse i Dubai, batatu (3) baje baturutse mu gihugu cya Kenya, babiri ( 2) baturutse muri  Leta ‘Zunze Ubumwe z’Amerika, umwe(1) yaturutse muri Qatar, umwe(1) yaturutse mu Buhinde n’undi umwe(1) yahuye n’uwagaragayeho Coronavirus mu Rwanda.

Minisiteri y’Ubuzima ikaba ivuga ko aba bagenzi bose batangiye gupimwa icyorezo cya Coronavirus no gushyirwa mu kato hagati ya tariki 17 na 20 Werurwe 2020.

Iyi minisiteri ikaba kandi ivuga ko hari gushakishwa abandi bantu bahuye n’abaanduye iyi Virusi kugira ngo nabo basuzumwe ndetse banitabweho n’inzego z’ubuzima.

Leta y’u Rwanda isaba abaturage kwitwararika no gukurikiza  amabwiriza yashyizweho n’inzego z’itandukanye harimo Minisiteri y’ubuzima ndetse  n’amabwiriza yatanzwe n’ibiro bya Minisitiri w’Intebe.

Mu gihe wibonyeho ibimenyetso byatangajwe birimo kugira umuriro mwinshi, ibicurane, kwitsamura gucika inege ndetse n’ibindi bitandukanye wabanza akiha akato maze agahamagara kuri nimero itishyurwa ariyo 114 kugira ngo uhabwe ubufasha byihuse.

Ikindi ushobora no kwipima ibizamini ukoresheje telefone yawe ukanze *114# ugakurikiza amabwiriza, ikindi ugomba kwirinda gukoranaho na mugenzi wawe musuhuzanya mu ntoki, ndetse no kwirinda kwikora ku bice bimwe na bimwe by’umubiri wawe birimo mu maso, ku munwa ndetse no kumazuru, ugakomeza gukaraba amazi meza n’isabune cyangwa ugakoresha imiti yabugenewe ari nako wirinda kujya ahantu hari abantu benshi

83 total views, 1 views today

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *