umugabo yishwe ni Ingona agiye gutegura indobani muri Nyabarongo

Ku nkombe z’uruzi rwa Nyabarongo mu Murenge wa Runda mu Karere ka Kamonyi, umugabo witwa Hakizimana Jean uri mu kigero cy’imyaka 35 y’amavuko yariwe n’ingona mu gitondo cy’uyu wa 25 Werurwe 2020.

Abaturage batuye muri aka gace bavuga ko uyu mugabo usanzwe atuye mu murenge wa Rugarika muri aka karere yari yagiye kuroba nk’uko asanzwe abigenza, ingona imuca mu rihumye, iramurya.

Umunyamabanga Nshingwabikorwa w’Umurenge wa Runda, Mwizerwa Rafiki ku murongo wa telefone, yatangarije Bwiza.com ko aya makuru ari impamo ndetse ari kwerekeza aho byabereye.

Umuyobozi w’Akarere ka Kamonyi, Kayitesi Alice yavuze ko uyu muturage yariwe n’ingona yarenze ku mabwiriza yo kuguma mu rugo, mu rwego rwo kwirinda ikwirakwira ry’icyorezo cya Coronavirus kimaze ku bantu 40 mu Rwanda.

Aganira na BBC, Meya Kayitesi yagize ati: “Uwo [ngona yariye] ni umwe muri bake baba barenze ku mabwiriza.”

Inzego z’ubuyobozi zitandukanye zishingiye ku mabwiriza ya Minisitiri w’Intebe na Minisiteri y’Ubuzima zirasaba abaturage, zirasaba abaturage ibirimo kuguma mu rugo kugira ngo bagabanye ibyago byo kwandura no kwanduranya iki cyorezo.

Gusa byagaragaye ko hari abaturage bakomeje kuyakerensa, ahantu nko mu mihanda hakaba haratangiye koherezwa abashinzwe umutekano n’abayobozi kugira ngo babumvishe ko bakururira umuryango nyarwanda ibyago, imiryango yabo, nabo batisize.

128 total views, 3 views today

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *