Kyle Walker ukinira Manchester City gutegura ibirori bya Sex Party mu gihe cya Corona Virus

Ikipe ya Manchester City yo mu Bwongereza yatangaje ko iri ugukora iperereza kuri myugariro wayo, Kyle Walker, warenze ku mabwiriza y’inzego z’ubuzima, agatumira abakobwa mu birori bizwi nka “Sex Party” mu rugo rwe bihe byo kuguma mu rugo hirindwa Coronavirus.

‘Sex Party’ ni birori byitabirwa n’ingeri zitandukanye ziganjemo urubyiruko rw’abahungu n’abakobwa, baba bambaye uko bashaka aho akenshi usanga bambaye imyenda igaragaza uko bateye.

Ababyitabira bahurira mu nyubako runaka y’umwe muri bo cyangwa se banakodesheje, bakanywa inzoga, bakabyina hakaba n’abakorana imibonano mpuzabitsina.

Kuva Shampiyona y’u Bwongereza ihagaritswe tariki ya 11 Werurwe, abakinnyi b’amakipe yose basabwe kuguma mu ngo.

Ku wa Kabiri tariki ya 31 Mata, Kyle Walker ukina inyuma ku ruhande rw’iburyo muri Manchester City, we n’inshuti ye, batumiye mu rugo abakobwa babiri kugira ngo bishimishe.

Umwe mu bakobwa bahamagajwe n’uyu mukinnyi, Louise McNamara w’imyaka 21, yavuze ko yafashe imodoka ya taxis ari kumwe n’undi ukomoka muri Brésil w’imyaka 24, bakagera kwa Kyle Walker saa Kumi n’igice z’umugoroba (16:30) mu gace ka Cheshire.

Louise McNamara wiga muri Kaminuza ya Metropolitan mu Mujyi wa Manchester, yavuze ko umuyobozi w’aho akora, mu kigo gishinzwe kurindira abantu bakomeye umutekano aho bagiye, ari we wamubwiye ko bafite umukiliya.

Yavuze ko we na mugenzi we bageze mu nzu Kyle Walker akodesha ibihumbi 8£ (asaga miliyoni 9 Frw) ku kwezi, bakiriwe n’inshuti y’uwo mukinnyi, nyuma bakorana nabo imibonano mpuzabitsina mu gihe cy’amasaha atatu.

Louise yavuze ko atari azi Kyle Walker nubwo hari amafoto yamufashe. Mugenzi we ngo ni we wamubwiye ko uyu mugabo akina umupira w’amaguru.

Aba bakobwa bombi ngo batashye saa munani zo mu rukerera mu gihe kuri uwo munsi wakurikiyeho, aribwo Kayle Walker yashize hanze ubutumwa busaba abantu bose kubahiriza amabwiriza baguma mu ngo zabo. Bari bemerewe ko buri wese ahabwa ama-pound 2200.

Nyuma y’uko The Sun itangaje ko uyu mukinnyi yatumiye abakobwa iwe ngo bishimishe, ikipe ye ya Manchester City yatangaje ko igiye kumukoraho iperereza kuko yarenze ku mabwiriza ya Leta n’inzego z’ubuzima.

Mu itangazo yashyize hanze, yagize iti “Manchester City FC yamenye inkuru yanditswe mu Kinyamakuru ku buzima bwihariye bwa Kyle Walker ku bijyanye no kutubahiriza amategeko yo kuguma mu ngo yashyizweho n’Ubwami bw’u Bwongereza ndetse n’ibijyanye no gusiga intera hagati y’umuntu n’abandi.”

“Abakinnyi b’umupira w’amaguru ni ba bandebereho ku Isi yose, kandi abakozi bacu n’abakinnyi bakomeje gushyigikira imbaraga zidasanzwe z’inzego z’ubuzima mu guhangana n’ingaruka za Coronavirus mu buryo bwose dushoboye. Imyitwarire ya Kyle itandukanye n’ibyo bikorwa.”

“Twababajwe no kumva ibyo ashinjwa, twumvise ibyo Kyle yatangaje kandi yasabiye imbabazi ndetse mu minsi iri imbere azakurikiranwa n’inzego zishinzwe imyitwarire mu ikipe.”

Ku mugoroba wo ku wa Gatandatu, Kyle Walker w’imyaka 29, yasabye imbabazi avuga ko yicuza ibyo yakoze kuko bidakwiye.

Ati “Ndumva aho mpagaze nk’umukinnyi w’umupira w’amaguru wabigize umwuga wakabaye ubera abandi urugero. Ni ku bw’iyo mpamvu nshaka gusaba imbabazi umuryango wanjye, inshuti, ikipe yanjye, abafana n’abandi bantu bose kuko narabatengushye.”

Kyle Wlaker usanzwe uhamagarwa mu ikipe y’igihugu y’u Bwongereza, aheruka gukinira Manchester City ubwo yatwaraga Carabao Cup itsinze Aston Villa ibitego 2-1 tariki ya 1 Werurwe 2020.

133 total views, 1 views today

Facebook Comments
Share Button

auto ads

Recommended For You

About the Author: Jean Paul Nsanzabera

Leave a Reply

Your email address will not be published. Required fields are marked *