Umuryango w’ubumwe bwa Afurika watangaje ko ugiye gupima umuti wa Coronavirus wo muri Madagascar

Mugihe muri iki gihe Coronavirus ari icyorezo gikomeje kugenda kigabiza isi ndetse nyuma yaho Madagascar yatangaje ko yabonye umuti umuryango w’ubumwe bw’afurika watangaje ko ugiye gupima umuti wa Coronavirus wo muri Madagascar.

Umuryango w’ubumwe bwa Afurika watangaje ko uri kuvugana na leta ya Madagascar ushaka kubona amakuru ya gihanga ngo upime niba uyu muti ntacyo utwaye kandi uvura coronavirus koko aho uyu muryango uvuga ko nubona amakuru arambuye ibigo byawo byo gukumira no kurwanya ibyorezo (Africa CDC) bizayasuzuma bikareba niba uyu muti wiswe Covid Organics uvura.

Mu itangazo wasohoye uyu muryango w’ubumwe bwa Afurika uvuga ko iri suzuma rizashingira ku mahame mpuzamahanga n’ibimenyetso bya gihanga ku mikorere y’uyu muti aho ishami ry’umuryango w’abibumbye rishinzwe ubuzima ku isi, OMS/WHO, rivuga ko nta muti riremeza ko uvura Covid-19.

Ubuvuzi bwifashishije ibimera bugira bufite umwanya munini ku ndwara muri Afurika, ibi na OMS irabyemera ariko ikaburira abantu kuri uwo mut  mu gihe isi yose ikeneye umuti wa coronavirus aho OMS ivuga ko bikwiye ko uyu muti ubanza gusuzumwa no kugeragezwa mu buryo bwa gihanga  ikabwira abantu ko biteye impungenge kwizera imiti idapimye.

Leta ya Madagascar ivuga ko uyu muti wapimwe kandi ukageragezwa n’abahanga b’iki gihugu mbere yo kwemezwa ndetse Perezida Andry Rajoelina yatangaje ko mu cyumweru gitaha bazatangira no kugerageza urukingo narwo rushingiye ku kimera uyu muti ukozemo.

Abategetsi b’ibihugu bya Guinea Bissau, Equatorial Guinea, Congo na Tanzania bamaze kuvuga ko bakeneye ko Madagascar ibaha kuri uwo muti ukoze mu kimera cya Artemisia aho umugabane wa Afurika umaze kubonekaho abantu barenga 45,000 banduye Covid-19 n’abandi hafi 2,000 imaze kwica.

259 total views, 4 views today

Facebook Comments
Share Button

auto ads

Recommended For You

About the Author: Blackcat Thierry

Leave a Reply

Your email address will not be published. Required fields are marked *