Kuki Marina adakurwa mu bahatanira The Next Pop Star kandi yarasezeye?

Abategura irushanwa rya The Next Pop Star baratangaza ko batarabona ibaruwa ya Marina ibamenyesha ko yasezeye mu irushanwa ari nayo mpamvu bakimufata nk’ukiririmo.

kuri uyu wa Mbere tariki 23 Ugushyingo 2020 nibwo hatangajwe urutonde rw’abaririmbyo 20 bakomeje mu irushanwa rya The Next Pop Star.

Kuri uri rutonde hagaragaraho n’umuhanzikazi Marina wivugira ko we yamaze gusezera muri iri rushanwa nyuma yo gusanga ko nta nyungu azabikuramo.

Mu Kiganiro HOSE! yagiranye na Dickson uvugira The Next Pop Star yavuze ko kugeza ubu Marina atarabwira ko yasezeye ari nayo mpamvu ari mu bakomeje mu kindi cyiciro.

Ati “Abandi basezeye barabitumenyesheje ariko Marina we ntaratwandikira cyangwa ngo aduhakanire. Turacyamufata nk’uri mu irushanwa.”

Si Marina wenyine usezeye muri iri rushanwa kuva ryatangira, bamwe bemeza ko ari imitegurire mibi yaryo ariko Dickson we avuga ko ari ubwoba baba bagize.

Ati “Hari ababa batinya ko hari abana bataramenyekana bashobora kubarusha amajwi.”

Abategura irushanwa rya The Next Pop Star bavuga ko kuba hari abasezera bitakwangiza isura y’igikorwa cyabo ngo kereka nibaramuka badakoze ibyo bemereye abatsinze irushanwa.

Irushanwa rya The Next Pop Star ni ku nshuro ya mbere ribaye bikaba biteganyijwe ko uzegukana iri rushanwa azahembwa miliyoni 50 z’amafaranga y’u Rwanda no gukorerwa alubumu na SM1 Music Group, ishami rya Soni Music. Uwa kabiri nawe azahabwa amasezerano yo gufashwa gutunganya ibihangano bye.

Marina yasezeye muri The Next Pop Star nyamara aracyafatwa nk’uririmo

202 total views, 2 views today

Facebook Comments
Share Button

iyandikishe muri Miss Rwanda

Noheli

k

auto ads

Recommended For You

About the Author: kalisa john

Leave a Reply

Your email address will not be published. Required fields are marked *