Umunyarwandakazi yemeye kwambara bikini umu Somalia arabyanga mu irushanwa uzatsinda azahabwa ibihumbi 50$(amafoto)

Umunyarwandakazi Uhiriwe Yasipi Casmir uhagarariye igihugu mu marushanwa y’ubwiza ya Miss Africa Calabar 2020, yaserutse mu mwambaro wo kogana na bagenzi be bahatanye ariko umukobwa wo muri Solamia aratungurana yanga kwambara uyu mwambaro uzwi nka ‘Bikini’.

Aba bakobwa uko ari 20 bose bari kubarizwa mu gihugu cya Nigeria baturutse mu bihugu bitandukanye byo muri Afurika ho bahataniye ikamba rya ‘Miss Africa Calabar 2020’.

Mu ijoro ry’uyu wa Mbere tariki 28 Ukuboza 2020, ni bwo abategura irushanwa rya Miss Africa Calabar, bashyize ku mbuga nkoranyambaga zabo amafoto abiri ya buri mukobwa uhatanye muri iri rushanwa amugaragaza yambaye umwenda wo kogana uzwi nka ‘bikini’ ukunze gukoreshwa mu marushanwa atandukanye y’ubwiza.

Umukobwa witwa Hani Abdi Gass wo muri Somolia we yiyerekanye mu mwambaro w’umweru w’abasiramukazi ugizwe n’ipantalo imurekuye, umwenda umeze nk’ishati yitandiye mu mutwe.

Undi mukobwa utambaye ‘bikini’ ariko uwo yari yambaye wagaragaje amatako yitwa Soukaina Chouad wo muri Morocco. Yari yambaye umwenda imeze nk’igitenge upfundikiye mu ijosi ariko ugaragaza amatako.

Uwihirwe Yasipi Casimir yiyerekanye muri ‘bikini’ y’ibara ry’umweru imeze nk’iyo yari yambaye ubwo yahataniraga guserukira u Rwanda. Ni ‘bikini’ itandukanye n’izindi kuko imeze nk’ikabutura. Ndetse yambaye n’isengeri.

Ni mu gihe abandi bakobwa bambaye imeze nk’ikariso n’umwenda umeze nk’isengeri ariko ugarukira ku mabere.

Iri rushanwa rizaba ku wa 30 Ukuboza 2020, hifashishijwe iyakure. Byari biteganyijwe ko risozwa ku wa 27 Ukuboza 2020, ariko kubera ingamba zo guhangana n’icyorezo cya Covid-19 muri Nigeria ryigezwa imbere.

Abategura iri rushanwa bavuze ko banahisemo ko rizaba hifashishijwe ikoranabuhanga kugira ngo buri mukobwa witabiriye iri rushanwa atazandura Covid-19.

Amafoto n’amashusho yasohowe agaragaza aba bakobwa bose bambaye ingofero zibarinda kwandura icyorezo cya Covid-19 kibasiye Isi muri iki gihe.

Mu gitondo cyo ku wa 23 Ukuboza 2020, ni bwo Uwihirwe Yasipi Casimir wabaye igisonga cya mbere cya Miss Rwanda 2019 yerekeje muri Nigeria guhagararira u Rwanda muri Miss Africa Calabar 2020.

Umukobwa uzegukana ikamba rya Miss Africa Calabar 2020 azahembwa amadorali ibihumbi 50 n’imodoka yo kugendamo yo mu bwoko bwa SUV.

Miss Uhiriwe Yasipi uhagarariye u Rwanda, ni uko yaserutse mu mwambaro uzwi nka ’Bikini’ Hani Abdi Gass wo muri Somalia yanze kwambara Bikini Soukina Choud wo muri Morocco nawe ni uko yari yambaye Julita Kitwe Mbangula uhagarariye igihugu cya Namibia ni uko yaserutse mu mwambaro wo kogana Uyu ni Mosiah Tau wo muri Afurika y’Epfo Uyu we yitwa Jasinta Makwabe ni uwo muri Tanzania nawe ahataniye iri kamba Uhagarariye igihugu cya Tunisia muri iri rushanwa yitwa Sarah Sellimi Ashley Morgen wo muri Zimbabwe ni uko agaragara mu mwambaro wo kogana

2,044 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published. Required fields are marked *