Mu mikino ya Caf Confederations cup ikipe ya Rayon sports ihagarariyemo u Rwanda;igeze k’umunsi wayo wa nyuma mu matsinda aho amakipe amwe n’amwe atarabasha kumenya nez niba yaratambutse mu kiciro gikurikira aricyo 1/4 harimo na Rayon Sports ikipe y’abafana benshi hano mu Rwanda.
Iyi kipe yambara ubururu itegerejwe mu kibuga kuri uyu wa gatatu yesurana na Yanga Sc yo mu gihugu cya Tanzania aho uyu mukino wafashwe nk’umukino w’urupfu kuri Rayon Sports n’abakunzi bayo benshi banyotewe no kwandika amateka yo kugera muri kimwe cya kane cy’aya marushanwa.
Rayon Sports irakira Yanga kuri uyu wa gatatu isaa 15:00
Abanyarwanda,abareyo by’umwihariko biteze iki kuri uyu mukino?
Icya mbere cyo kwitega “NIBA NTAGIHINDUTSE”ni ukubona umukino wihuta w’imbaraga abakinnyi batakira rimwe bakagaruka no kurinda izamu ryabo ngo hatagira ukunganya kubonekamo.Aya makipe aramutse anganyije,yahita asezererwa muri iyi mikino hatitawe uko umukino uzahuza Usm na GorMahia waba wagenze.
Hazaboneka kandi ikipe ya Yanga Sc ikinisha ishyaka ryinshi ryo kwanga gusebera mu Rwanda inarinda icyubahiro cyaho nk’ikipe ikomeye muri aka karere ifite izina.Aha akazi kazaba kenshi kuri Rayon Sports.
Ikindi kizagaragara ni ubutumwa bwa buri kanya buzajya bubwirwa abakinnyi mu mukino hagati uko umukino wa Usm na Gor uri kugenda kugira ngo abakinnyi nabo bakomeze kuguma mu mukino wabo.Aha mu gihe babwiwe ko ikipe imwe iri imbere cyangwa yabonye itsinzi nabo bizakomeza gushyira igitutu kuri Yanga.
Imifanire nayo izaba ari agatogo kuko hari umubare mwinshi nawo uzagaragara ushyigikiye Yanga Sc.Abafana b’amakipe adashaka ko Rayon Sport ikomeza byanze bikunze nabo bazigaragaza.
Hazagaragara kandi gukina imyanya itandukanye kwa bamwe mu bakinnyi ba Rayon Sports bitewe ahanini nuko hari abatemerewe gukina uyu mukino nyamara bari nyinkizamwamba nka Manzi Thierry na Niyonzima Olivier Sefu bafite amakarita atabemerera kuwukina ndetse na Yannick Mukunzi,Kasim nabo bahanwe kubera imirwano.Aha hazagaragaramo gukinishwa ku mwanya udasanzwe kwa bamwe mu bakinnyi ndetse no gushyiramo abandi.
Kugira ngo Rayon Sports igere muri 1/4 cya CAF Confederations Cup birasaba iki?
Ikipe ya Rayon sports irasabwa gutsinda ikipe ya Yanga Sc hanyuma ikipe imwe hagati ya Usm Alger na GorMahia ikaba yatsinze bityo Rayon ikazamuka ari iya 2 cyangwa iya mbere.
