Abanyakigali bateguriwe ibitaramo Kigali’s People Festival mu gihe cya CHOGM

Abazitabira Inama nkuru y’Umuryango w’Ibihugu bikoresha ururimi rw’Icyongereza (Commonwealth) izwi nka CHOGM, bashyiriweho ibirori bya muzika bizabasusurutsa mu cyumweru cyose bazamara mu Rwanda.

Buri mugoroba by’umwihariko mu mpera z’icyumweru mu Mujyi wa Kigali, biba ari ibicika ahantu hashyizweho ho gutaramira, ndetse hamwe hafunzwe imihanda nk’i Remera ku Gisimenti n’i Nyamirambo.

Aha ni naho hazifashishwa mu birori bya Kigali’s People Festival byashyiriweho abitabiriye CHOGM ndetse n’abatuye Umujyi wa Kigali.

Kuva tariki 20 kugeza 26 Kamena 2022, hateguwe ibitaramo bizajya bibera muri ’Car free zone y’i Nyamirambo ndetse n’i Remera mu Gisimenti, aho guhera isaa kumi n’ebyiri z’umugoroba abahanzi banyuranye bazajya baba bahataramiye kugeza i Saa yine z’ijoro.

Ni ibitaramo 14 bizamara icyumweru, bikabera muri ibi bice bibiri byashyiriweho imyidagaduro mu Mujyi wa Kigali, mu mihanda yahariwe abashaka kwidagadura.

Uhujimfura Claude usanzwe ari Umuyobozi muri Kikac Music akaba uri mu bari gutegura ibi bitaramo, amaze gutangariza KIGALIHIT ko ibyo bitaramo byateguriwe gususurutsa abitabiriye inama ya CHOGM, ariko n’abatuye Umujyi wa Kigali muri rusange badahejwe.

Ikindi yagarutseho ni uko ari ibitaramo bizajya byitabirwa n’abahanzi bakomeye, cyane ko nubwo urutonde rw’abazatarama rutaratangazwa, hari abo bamaze kugirana ibiganiro.

Ibi bitaramo byateguwe na Sensitive Ltd imenyereweho gutegura ibitaramo bikomeye, ikazafatanya n’ama sosiyete y’ubucuruzi arimo MTN Rwanda, Heineken, Visit Rwanda, Forzza, Inyange,Kikac Music nabandi

369 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.