APR FC yageze muri Tunisia

Ikipe ya APR FC yamaze kugera mu gihugu cya Tunisia aho igiye gukina umukino wo kwishyura na Club Africain mu mikino nyafuruka ya CAF Champions League, umukino ubanza amakipe yombi yanganyije ubusa ku busa.

Urugendo rw’amasaha agera kuri 22, Kigali – Tunisia, ikipe ya APR FC yageze muri iki gihugu aho yakiriwe n’umunyamabanga wa Club Africain ndetse na Nshuti Innocent wahoze akinira iyi kipe ariko ubu akaba akinira ikipe ya Stade Tunisien yo muri iki gihugu.

APR FC yahagurutse mu Rwanda ku munsi wo kuwa Gatandatu saa 16:00’ aho yaciye Doha muri Qatar bakagerayo saa munani z’ijoro bakaharara, bahahaguruka saa 9:00’ z’ejo hashize  ku Cyumweru berekeza muri Tunisia aho bageze ku mugoroba wo ku Cyumweru aho bahise bajya gucumbika muri hoteli yitwa Sentido Hotel iri mu mugi wa Hammamete ni muri kirometero 80 uvuye ku kibuga cy’indege ndetse ikaba ituriye Stade Olympique de Rades izakira uyu mukino.

Jimmy Mulisa n’abasore nta n’umwe ufite ikibazo cy’imvune, bakaba barahagurutse mu Rwanda mu ruhago rwabo nta kintu kirimo kuko umukino ubanza amakipe yaombi yanganyije 0-0 bivuze ko ntacyo bazigamye ndetse nta n’umwenda bafite.

N’urugamba rutoroshye umutoza Jimmy Mulisa agomba kurwana rwo gusezerera iyi kipe kuko bimusaba gutsinda uyu mukino cyangwa kunganya kurimo ibitego mu mukino uteganyijwe ku munsi w’ejo kuwa Kabiri saa 17:00’ ku isaha ngengamasaha ya GMT zikaba saa 19:00’ za hano mu Rwanda.

392 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.