Bianca Fashion Hub ya 2 izitabirwa n’ibyamamare birimo Eddy Kenzo

Mu gihe hasigaye igihe kitageze ku mezi abiri ngo ibirori bya Bianca Fashion Hub bibe ku nshuro yabyo ya kabiri,Umunyamakuru Uwamwezi Mugire  Bianca  ukunze kwiyita Queen B yashyize hanze amatariki ndetse n’ibyamamare bizabyitabira.

Ibi birori bya Bianca Fashion bwa mbere byabaye ku tariki ya 23 Ukwakira 2021 byitabirwa na ba tu bemshi biganjemo abanyamideli bagiye bagaragaza byinshi mubyo bakora icyo gihe hanahembewemo abari baje baberewe kurusha .

ibi birori umwaka ushize byagenze neza byatumye bamwe mu babyitabiriye bamisaba ko yabikora ku nshuro ya kabiri ndetse akagira na bimwe mubyo ahinduramo Bianca ntiyazuyaje kuko uyu mwaka harimo itandukaniro rinini cyNe aho none ubu yafashe icyemezo cyo gushyiramo na abahanzi bazataramira abazabijyamo kuri iyi nshuro akaba yaratumiyemo umuhanzi ukunzwe muri Uganda Eddy Kenzo nabandi ba banyarwanda .

Hari n’ibindi birimo kuba muri ibi birori bwa mbere azaboneraho umwanya wo kumurikiramo imyambaro ye ya mbere, dore ko atakiri umunyamideli gusa yamaze no kwinjira mu ruhando rw’abayihanga.

Akaba none kuri ubu yamaze gutangaza abahanzi b’abanyarwanda nabo bazasusurutsa abazabyitabira ku itariki ya 20 Kanama 2022 kuri Canal Olympia, ahantu hamaze kumenyerwa mu bikorwa bikomeye by’imyidagaduro.

Mu bahanzi yatangaje harimo Alyn Sano ukunzwe mu ndirimbo ‘Fake Gee’ muri iyi minsi, Symphony, Chriss Eazy, Bwiza na El Chezza. Mu bavanzi b’umuziki bazaba bahari harimo NEP Djs, Dj Brianne na Dj Diallo.

Mu bikorwa biteganijwe harimo kwifotoza, gutambuka ku itapi itukura, kureba abahize abandi mu kwambara neza, imyiyereko y’abanyamideli n’ibindi.


335 total views, 2 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.