Burundi: Buyoya uherutse gukatirwa burundu yitabye Imana

Majoro Pierre Buyoya wigeze kuyobora u Burundi wari uherutse no gukatirwa n’inkiko zo mu Burundi igihano cyo gufungwa burundu, yitabye Imana. Birakekwa ko yazize icyorezo cya COVID-19.

KANDA HANO UKORERE AMAFARANGA

Pierre Buyoya wayoboye u Burundi

Maj. Pierre Buyoya wari uherutse gukatirwa gufungwa burundu n’Inkiko zo mu Burundi zamuhamije ibyaha birimo kwica Perezida Melchior Ndadaye, yari aherutse no kwegura ku mwanya wo kuba Intumwa yihariye y’Umuryango wa Africa Yunze Ubumwe muri Mali.

Amakuru dukesha Ijwi rya America, avuga ko hataramenyekana icyahitanye uyu mugabo wayoboye u Burundi muri manda ebyiri, gusa ngo bamwe mu ba hafi y’umuryango we babwiye iki kinyamakuru ko yari arwaye icyorezo cya COVID-19.

Majoro Buyoya nyuma yo gukatirwa gufungwa burundu n’inkiko zo mu Burundi, yari aherutse gutangaza ko yeguye ku mwanya yari afite mu Muryango wa Afria Yunze Ubumwe kugira ngo akurikirane iby’urubanza rwe yavugaga ko yarenganye.

U Burundi muri uyu mwaka bupfushije ababuyoboye babiri kuko muri Kamena uyu mwaka wa 2020, Perezida Pirre Nkurunziza wari uriho asoza manda ye, yitabye Imana azize indwara y’umutima.

Pierre Buyoya na we witabye Imana, yayoboye u Burundi muri manda ebyiri zirimo iyo kuva mu 1987-1993, yagiye ku butegetsi abanje guhirika ubwa Perezida Jean Baptiste Bagaza na we wari wabugiyeho abanje guhirika ubutegetsi  bwa Michel Micombero mu 1976.

Majoro Pierre Buyoya wari wavuye ku butegetsi mu 1993 ubwo yatsindwaga na Melchior Ndadaye wo mu ishyaka rya FRODEBU, yongeye kuba Perezida w’u Burundi mu 1996 kugeza mu mwaka wa 2003.

845 total views, 2 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.