Humble Jizzo ubukwe bwe bwitabiriwe n’abastar mbarwa

Manzi James [Humble Jizzo] uririmba mu itsinda rya Urban Boyz yasabye anakwa umugeni we Amy Blauman mu misango y’ubukwe bwa Kinyarwanda nyuma y’imyaka ine bakundana.

Ibirori by’aba bombi byabaye kuri uyu wa Gatandatu, tariki ya 24 Ugushyingo 2018, mu nkengero z’ikiyaga cya Kivu, ahitwa Hakuna Matata mu Murenge wa Nyamyumba mu Kagari ka Kabuye, Akarere ka Rubavu.

Aba bombi bahuje imiryango yabo irasabana, byari umunezero ku baturutse muri Leta Zunze Ubumwe za Amerika iwabo w’umugore babonye bwa mbere abo mu muryango wa Humble Jizzo mu Rwanda ndetse n’imisango y’ubukwe gakondo bari babonye bwa mbere.

Humble Jizzo yari agaragiwe n’abarimo Riderman, Nizzo basanzwe baririmbana, murumuna we witwa Famous na Might Popo wari Umubyeyi wa Batisimu. Amy Blauman yambariwe n’inshuti ze ziganjemo abaturutse muri Leta Zunze Ubumwe za Amerika barimo impanga ye.

Ibijyanye n’imisango yo gusaba no gukwa byakozwe mu Kinyarwanda hari abicaranye n’abo mu muryango wa Blauman babasemurira, MC Lion Manzi akanyuzamo na we akabasemurira anashyiramo kuryoshya ibirori.

Humble Jizzo yagize ibirori byiza ndetse no mu magambo yahavugiwe byagarutsweho. I Rubavu ahabereye ibirori byo gusaba no gukwa ho byari agahebuzo! Bitandukanye n’uko byari byavuzwe mbere nta bacunga umutekano bihambaye bari muri ubu bukwe ahubwo hari abantu baringaniye cyane ko ari ahantu hitaruye Umujyi wa Rubavu.

Mu bitabiriye ubukwe bwa Humble Jizzo ntihagaragaye Safi Madiba bahoze baririmbana mu itsinda rya Urban Boyz. Mu kiganiro duheruka kugirana na Humble yavuze ko yahisemo kudatumira mugenzi we bitewe n’uburyo “yavuze ko batigeze baba inshuti mu biganiro yagiye agirana n’itangazamakuru.”

Safi Madiba we yisobanuye avuga ko kudatumirwa muri ibi birori nta kibazo abifiteho, gusa avuga ko iyo bataza kuba inshuti na we atari kumutumira mu bukwe bwe ngo anamwambarire, yungamo ati “Ibirori n’ubundi bizaba uko byagenda kose.”

Nizzo wakomezanyije na Humble Jizzo muri Urban Boyz we yari umwe mu bashyigikiye mugenzi we, yari no mu bamwambariye.

MC Lion Manzi yanyuzagamo akaryoshyaryoshya abumva Icyongereza bagaseka bagatembagara, ubundi bakavuza impundu iyo babaga bamaze gusobanukirwa icyo avuze.

Humble Jizzo akimara guhabwa umugeni, bateye bati “Ubwanwa buhuye n’ubundi” bakomoza ku bwa Sebukwe, uteye akaruru mu gusa n’abashyenga bakamubuza gukangura amafi yo mu Kivu. Ibi birori byabereye iruhande rw’amazi ku buryo hari ubuhehere.

Humble Jizzo hano yari ategereje uw’inzozi ze

Humble Jizzo na Blauman barushinze nyuma y’imyaka itatu bakundana. Mu ntangiriro z’uyu mwaka bibarutse umwana w’umukobwa witwa Ariela Manzi wavukiye mu bitaro bya Confluence Health Hospital muri Leta Zunze Ubumwe za Amerika.

Yavutse nyuma y’igihe gito umugore wa Humble Jizzo avuye kumwereka imiryango ndetse bari bagiye muri iki gihugu kwitegura kwibaruka iyo mfura yabo.

Abo mu muryango wa Amy

Inshuti n’abavandimwe ku ruhande rw’umugore wa Humble Jizzo

Inshuti n’abavandimwe ku ruhande rw’umugore wa Humble Jizzo

Humble Jizzo yaherukaga guhishurira ISIMBI ko uzamubera Parrain azafa afite imisatsi ya dreadlocks

Nizzo[ibumoso], Riderman[uwa kabiri ibumoso] na Famous umuvandimwe wa Humble Jizzo bamugaragiye

Dj Pius yatashye ubu bukwe

Munyakazi Deo yakirigise inanga mu gusana no gukwa

531 total views, 2 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.