Umugore w’umuhanzi Mico The Best witwa Ngwinundebe Clarisse yakorewe ibirori byo kwitegura kwibaruka umwana w’imfura bizwi nka Baby shower.
Ibi birori yabikorewe n’inshuti ze aho ziba zigenda zimuha impano zitandukanye zo kuzaha umwana aba yitegura kwibaruka.
Ubukwe bwa Mico The Best na Ngwinundebe Clarisse bwabaye tariki 26 Nzeri 2021. Bubera mu Mujyi wa Kigali ahitwa Heaven Garden.
Habanje imihango yo gusaba no gukwa hakurikiraho gusezerana imbere y’Imana.
Ku wa 19 Kanama 2021 ni bwo Mico The Best yasezeranye imbere y’amategeko na Ngwinundebe Clarisse biyemeza kuzabana akaramata.
Ni umuhango wabereye mu Murenge wa Nyarugenge witabirwa n’abantu bake cyane barimo umuryango we n’inshuti za hafi.
