Igitaramo cyo gutabariza D’amour Seleman cyitabiriwe na bantu bake bishoboka abahanzi bamwe banga kwitabira

Abanyamuziki b’amazina azwi Knowless Butera, Charly&Nina, Bruce Melody, Marina Deborah, Mani Martin, Gabiro Guitar byari biteganyijwe ko baririmba mu gitaramo cyo gukusanya inkunga yo kuvuza umukinnyi wa filime Damour Seleman, ntibaririmbye muri iki gitaramo cyamaze amasaha agera kuri atandatu cyabuze abantu.

Ku gicamunsi cy’uyu Gatandatu tariki 24 Ugushyingo 2018 hari hateganyijwe igitaramo gihuza abahanzi Nyarwanda bagera ku icyenda 9, amafaranga avuyemo akifashishwa mu kuvuza umukinnyi wa filime, Damour Seleman, ukeneye agera kuri miliyoni 20 z’amafaranga y’u Rwanda kugira ngo avurirwe mu Buhinde. Ni igitaramo cyagombaga gutangira saa cyenda z’amanywa, ugendeye ku ngengabihe y’abateguye iki gitaramo.

Iki gitaramo cyatangiye ahagana saa moya z’ijoro. Bamwe batangiye kuhagera ku isaha ya saa kumi, gusa benshi bagiye bikubura bitewe no gutinda gutangira kw’iki gitaramo. Imibare y’abitabiriye iki gitaramo yagiye ihindagurika, uko amasaha yicumaga.

 

 

Charly&Nina bahageze kare ngo barebe uko ibintu byifashe, ubundi bafata inzira barikomereza. Mico The Best, Lil G ndetse na Jay C bari kuri ‘affiche’ nibo basusurukije abantu mbarwa bari muri iki gitaramo cyamaze amasaha agera kuri atandatu. Umurishyo wa nyuma w’iki igitaramo wavugijwe ahagana saa yine n’iminota 17’.

Mu kiganiro na Christian uri mu bateguye iki gitaramo akaba n’Umuyobozi wungirije mu muryango ushinzwe gushakira ubufasha abababaye, yavuze ko abahanzi bari kuririmba muri iki gitaramo hari abamubwiye impamvu zituma batabonetse, ariko kandi  hari n’abandi batigeze bagira icyo bavuga.

Yavuze ko Charly&Nina bageze kuri Petit Sitade bakamubwira ‘impamvu ifatika’ arabemerera baragenda. Yavuze kandi ko habura iminsi ibiri yahamagawe n’umujyanama wa Bruce Melody, amubwira ko umuhanzi we atazaboneka. Ngo mu gitondo cy’uyu wa Gatandatu, yahamagaye ku murongo wa telephone, Marina agira ngo amubaze ku bijyanye n’igitaramo asanga telephone ye itari ku murongo.

Ngo Knowless we yari yabwiye abategura iki gitaramo ko muri iyi week end azaba ari mu Kenya, ateganya ko agarutse kare yaririmba. Yagize ati “Ariko Knowless yari yatubwiye ko yari afite gahunda muri Kenya. Aratubwira ati munshyire kuri affiche nimba naje nzaza ‘performing’.”

Umujyanama wa Bruce Melody we yahamagaye Christian amubwira ko umuhanzi we afite akandi kazi mu bukwe bwa Humble Jizzo, atazaboneka. Ati “Bruce Melody yaratwemereye. Hashize iminsi nk’ibiri ‘manager’ we arampamagara arambwira Bruce Melody yamaze kumutanga muri wedding ya Humble Jizzo.”

“Twari twamaze gusohora ‘affiche’ n’ibindi nta yandi mahitamo yari ahari. Kuko ntabwo nari kugenda ngo nzikure aho nazishyize kuko zari zamaze kugera mu bantu bose. Ntabwo byari gushoboka ko nzikurayo. Ariko yabikoze (Manager wa Bruce Melody) haciyemo nk’iminsi ibiri cyangwa itatu, Bruce Melody we yaratwemereye ko tugomba kumushyira kuri ‘affiche’.”

Yavuze ko mu gitondo cy’uyu wa Gatandatu yahamagaye Marina ntabashe kumufatisha kuri telephone, ndetse ngo mu masaha ya kumanywa yamuhagaye ntiyamubona.  Yagize ati “Marina yari yarabyemeye ariko yaratubwiye na ‘manager’ we ko hari ukuntu babivuganye. Ntabwo nzi ukuntu byagenze gusa mu gitondo namuhagaye nsanga telephone ye ntabwo iriho. Mu yandi masaha nagerageje biranga.”

Yakomeje avuga ko ashima bikomeye Charly&Nina kuko bageze kuri Petit Sitade hakiri kare n’ubwo bataririmbye. Ati “Charly&Nina ndabashima, bahagereye igihe, babaye intwari. Yewe n’umujyanama wabo, nababwiye nti bakomereze aho ni abantu b’abagabo.

“Charly&Nina bageze hano turavugana. Hari impamvu bampaye biba ngombwa ko bagenda kuko numvaga ko ari ngomba ko bagenda,”

Christian avuga ko atamenya neza amafaranga binjije uyu munsi bitewe n’uko ubwitabire bwari hasi. Yavuze ko afite icyizere cy’uko miliyoni 20 z’amafaranga y’u Rwanda akenewe kugira ngo Damour Seleman avuzwe mu Buhinde azaboneka.

365 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.