Isra The Holy Rapper yashyize hanze amashusho y’indirimbo SWAG benshi bikanze ko ari Filime (Video)

Isra The Holy Rapper ni umuraperi ugishakisha uko yazamuka muri muzika y’u Rwanda, uyu ugaragaza ubuhanga yakunze gutangaza ko agorwa no kuba adafite umufasha muri muzika. Isra The Holy Rapper kuri ubu yamaze kubona abamufasha kugira ngo impano ye muri muzika igere ku banyarwanda bakunda Hip Hop banezerwe

Mu kiganiro yagiranye n’umunyamakuru wa radio na televiziyo ya 10 yavuze ko ubu aricyo gihe ngo agaragaze impano ze kuko nyuma yo gushyira hanze indirimbo ye ya mbere yabanje kujya agira ikibazo cyo kumenyekanisha ibihangano bye kubera kutamenyekana cyane  ariko ubu akaba yishimira ko kuva abonye abamufasha kumenyekanisha ibihangano bye ubu agiye gukora cyane  kandi yizera ko injyana akora igiye kurushaho kumenyekana cyane .

Umuhanzi The Holy Rapper yishimiye kuba ari gukora n’inzu ifasha abahanzi ya KIKAC  abarizwamo we n’umuhanzi Gihozo Pacifique ikaba iyoborwa n’umwe mu bagabo bamaze kubaka izina witwa Dr Kintu Muhammad   usanzwe ari umujyanama w’icyamamare Bob Wine hano mu karere ka Afurika yo hagati ibarizwamo u Rwanda ,Burundi na repubulika iharanira Demokarasi ya Congo .


Iyi ndirimbo nshya ya Isra The Holy Rapper yise ‘Swag’ yakozwe na Producer Davdenko mu gihe amashusho yayo yafashwe akanatunganywa na Fayzo. Amashusho y’iyi ndirimbo agaragaramo udushya turimo imyenda ya gisirikare, imbunda, Kajugujugu nibindi binyuranye bigaragaza Umuhanzi mwiza wa Hip Hop.



459 total views, 2 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.