Marina wavugwagaho ko agiye kwirukanwa muri The Mane yongeye kubasuzugura ajya mubikorwa batamwemerera

Umuhanzikazi Marina yagaragaye mu bahanzi bahatanye mu irushanwa rya The Next Pop Star nyamara we yari yaritangarije ko yamaze kuryikuramo.

Ku mugoroba wo kuri iki Cyumweru tariki 06 Ukuboza 2020 nibwo abaririmbyi 19 bari mu irushanwa rya The Next Pop Star baririmbye live imbere y’akanama nkempurampaka kari kagizwe na Lion Imanzi, Tidjala Kabendera na Zizou Alpcano.

Abarushanwa biyerekanye ni 19 aho kuba 20, bikaba byatewe nuko umuraperi Kivumbi atitabiriye ndetse bituma ahita akurwa mu irushanwa burundu.

 Muri aba 19 barushanijwe harimo umuhanzikazi Marina wari uherutse gutangaza ko yikuye muri The Next Pop Star nyuma yo kubiganiraho n’ubuyobozi bwa The Mane Music.

Yagize ati “Nabitekerejeho neza ku giti cyanjye numvaga ari byiza naranabishakaga ariko impamvu umuhanzi agira abajyanama ni ukugira ngo bamureberere. Baranganirije bambwira ibyiza byabo n’ibibi byabyo banyereka ko nta nyungu zirenze twenda kuzabona nsanga nta mpamvu yo kuba mbirimo.”

Nyuma yo gutangaza ibi, Marina yasohotse ku rutonde rw’abahanzi 20 bakomeje mu kindi cyiciro maze, abategura irushanwa batangariza HOSE! ko uyu mukobwa atigeze asezera binyuze mu nzira zizwi, bityo ko bazakomeza kumufata nk’ukiririmo.

Ibya Marina n’irushanwa rya The Next Pop Star byazamuye umwuka mubi hagati ye n’abayobozi ba The Mane Music Label abarizwamo kuko yarigiyemo nta burenganzira yahawe.

Mu bahanzi bari mu irushanwa harimo Hirwa Irakoze Honorine, Sammy Yvan Uwikunda wamenyekanye cyane muri Symphony Band, Nyatanyi Tuyisenge David, Kibatega Jasmine, Yannick Gashiramanga, Mahoro Ines, Muhirwa Issa uzwi nka Maylo umwe mu baraperi bakomeye bo mu Karere ka Musanze.

Harimo kandi Ish Kevin usanzwe uzwi mu muziki, Eric Ntwari, Marina ubarizwa muri The Mane, Rwamukwaya Theo Blaise, Cyubahiro Serge uzwi muri Neptunez Band, Bampire Joie, Gisa Cy’Inganzo, Mubiligi Allelua Pierrine, Kenny Kshot, Milly, Cyiza Jackson na Gihozo Credo Santos.

Batandatu bazakomeza bazamenyekana tariki 09 Ukuboza 2020.

SM1 Music Group/Sony Music Group itegura iri rushanwa izahemba uwa mbere amafaranga miliyoni 50 banasinye amasezerano y’imikoranire. Uwa kabiri nta mafaranga azahabwa ariko azasinya amasezerano y’imikoranire.

Marina yahatanye muri The Next Pop Star kandi yari yaravuze ko yikuyemo

1,046 total views, 1 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.