Miss Africa: Dorcas wo muri Congo yegukanye ikamba, Irebe wari uhagarariye u Rwanda ataha amara masa

Dorcas Kasinde umukobwa w’imyaka 24 y’amavuko ukomoka muri Repubulika Iharanira Demokarasi ya Kongo ni we waraye yegukanye ikamba rya Miss Africa Calabar 2018, mu gihe umunyarwandakazi Miss Irebe Natacha Ursule yatashye amara masa nyuma yo kutabasha kugaragara byibuze muri batanu ba mbere.

Mu ijoro ryo kuri uyu wa Kane tariki ya 27 Ukuboza 2018 ni bwo habaye ibirori bikomeye byo kugaragaza umukobwa wegukana iri kamba rya Miss Africa Calabar ryahatanirwaga ku nshuro ya 3 muri Nigeria ahari hateraniye abakobwa 23 baturutse mu bice bitandukanye bya Afurika.











Abakobwa bari babukereye



Miss Irebe Natacha Ursule wabaye igisonga cya kabiri cya Nyampinga w’u Rwanda 2018, akaba yaranabaye Nyampinga w’amashuri yisumbuye (Miss High School) mu 2015, ntabwo yahiriwe muri iri rushanwa rya Miss Africa




Abakobwa batandukanye baniyerekanye mu myambaro isanzwe

Dorcas Kasinde yahigitse abakobwa batanu bari baje imbere barimo Gladys Kayumba wo muri Zambia, Harrietta Alpha wo muri Sierra Leone, Chimamaka Goodness Nnaemeka wo muri Nigeria na Dela Yawo Seade wo muri Ghana.

Aba ni bo bakobwa baje muri batanu ba mbere

Uretse ikamba, Dorcas Kasinde yegukanye ibindi bihembo birimo imodoka ibarirwa mu gaciro k’ibihumbi 50 by’amadorali ya Amerika hamwe n’ibihumbi 35 by’amadorari ya Amerika n’ibindi naho gisonga cya mbere cyabonye ibihumbi 10 by’Amadorali mu gihe Igisonga cya kabiri cyegukanye ibihumbi bitanu by’amadorali ya Amerika.


Miss Dorcas Kasinde asimbuye umunya-Bostwana, Base Balopi wari wegukanye iri kamba mu 2017

Tubibutse ko mu 2017 Muthoni Fiona Naringwa wari uhagarariye u Rwanda, yabaye igisonga cya mbere muri iri rushanwa.

550 total views, 1 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.