Miss Aurore yagize icyo avuga ku itandukana rye n’umukunzi we Egide ryavuzwe

Kuri uyu wa Gatandatu nibwo inkuru yacicikanye ku mbuga nkoranyambaga ivuga ko urukundo rwa Kayibanda Aurore n’umukunzi we Egide Fox rwajemo agatotsi bigatuma batandukana. Ibi byemejwe na bimwe mu bimenyetso bifatika byagaragaye kuri konte zaba bombi aho kuri ubu Egide yasibye amwe mu mafoto y’uyu mukobwa yashyizeho ndetse agahagarika kumukurikira.


Bamwe mu babakurikiranira hafi bacyetse ko uyu mukobwa yatandukanye n’umusore bamaranye igihe cy’imyaka isaga 4 bari mu rukundo ruzira uburyarya.

Mu kiganiro Aurore yagiranye n’umunyamakuru Yago ukorera Radio 10 yavuze ko atatandukanye n’umukunzi we Agide ahubwo ko yavuye mu bakoresha urubuga rwa instagram kuko yashakaga kuruhuka.

Yagize ati “Nafashe umwanya wo kuba ndetse gukoresha imbuga nkoranyambaga. Nkeneye igihe gihagije niyitaho.”

Yabwiwe ko na Egide bakundana nta muntu n’umwe agikurikira kuri instagram, maze uyu mukobwa asubiza ati “Byatewe n’uko nakuyeho konti zanjye hose, instagram, Facebook, Twitter

Yavuze ko muri iyi minsi ari gukoresha Whatsapp ngo nayo mu minsi iri imbere iraba itakibarizwa muri telephone ye, ati Nsigaranye Whatsapp gusa kandi nayo vuba ndayivaho.”

Twakwibutsa ko Miss Mutesi Kayibanda Aurore yabaye Nyampinga w’u Rwanda mu mwaka wa 2012, akanambikwa ikamba rya Miss FESPAM ryatangiwe mu Mujyi wa Brazza Ville mu iserukiramuco rya Festval Panafricain de la Musique muri 2013. Mu mwaka wa 2014 nibwo byatangiye guhwihwiswa ko Miss Mutesi Aurore ari mu rukundo na Mbabazi Egide, ntibigeze babihakana cyangwa ngo bihishire dore ko kenshi wasangaga amafoto yabo ku mbuga nkoranyambaga ndetse banabwirana amagambo meza y’urukundo.

Muri 2015 byaje gushimangirwa n’urugendo Egide yagiriye mu Rwanda nyuma y’imyaka myinshi yari amaze aba muri Amerika, akaboneraho gusangira ubuzima bwiza na Aurore bagatembera ahantu hari ubwiza nyaburanga ndetse n’ahandi hatandukanye.

Mutesi Aurore na Egide Mbabazi bahanye isezerano ryo kuzabana nk’indahemuka imbere y’amategeko k tariki 29 Nyakanga 2018. Mu mashusho n’amafoto basakaje ku mbuga nkoranyambaga, bagaragaje ko basezeraniye ku nkombe z’inyanja muri Leta ya Maine mu Mujyi wa Portland.

Tariki 28 Gashyantare 2018 nibwo Egide yateye ivi, asaba Kayibanda ko yazamubera umugore. Hari mu muhango wabereye i Las Vegas muri Leta Zunze Ubumwe za Amerika. Kayibanda Aurore ntiyazuyaje kuvuga ‘Yego’ mu marira menshi yamuzengaga mu maso ndetse agera nubwo ashoka ku matama. Ni nyuma y’imyaka isaga 4 bamaze bakundana mu munyenga w’urukundo badasiba kugaragaza.

Byavugwaga ko aba bombi bazaza mu Rwanda baje gukora imihango itandukanye irimo gusaba no gukwa

555 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.