Umunya-Misiri, Mohamed Salah, umunya- Sénégal Sadio Mane bakinira ikipe ya Liverpool n’umunya-Gabon Pierre-Emerick Aubameyang ukinira Arsenal ni bo bazatoranywamo umukinnyi mwiza w’umunyafurika w’umwaka mu bihembo bitangwa n’impuzamashyirahamwe y’umupira w’amaguru muri Afurika (CAF).
Ni ku nshuro ya kabiri aba bagabo batatu bahurira ku rutonde rw’abazatoranywamo umukinnyi mwiza wa Afurika. No muri 2017 aba ni bo bari bajyeze mu cyiciri cya nyuma birangira Mohamed Salah abaye uwa mbere.
Mohamed Salah,Sadio Mane na Aubameyang ni bo bazatoranywamo umukinnyi mwiza w’umunyafurika
Salah aramutse agitwaye, yaba ajyiye ku rutonde rw’bajyitwaye kabiri bikurikiranya barimo ; umunya- Sénégal El Hadji Diouf, umunya-Cameroon, Samuel Eto’o n’umunya- Côte d’Ivoire, Yaya Toure.
Sadio Mane na we arahabwa amahirwe nyuma y’uko arangije ku mwanya wa gatatu mu 2016 no kuwa kabiri umwaka ushize wa 2017.
Aubameyang yagaragaye ku rutonde rwa batatu ba nyuma inshuro eshanu zikurikirana, akaba ari agahigo anganya na Yaya Toure na Michael Essien wo muri Ghana. Yacyegukanye mu 2015, ubwo yahigikaga Yaya Toure na Andre Ayew.
Gutora uwegukana iki gihembo bikorwa n’abatoza b’amakipe y’ibihugu na ba kapiteni b’ibihugu 56 bigize CAF. Uzegukana iki gihembo azatangazwa kuwa 8 Mutarama 2019, i Dakar muri Sénégal.
Umunya-Misiri, Mohamed Salah
umunya- Sénégal Sadio Mane
umunya-Gabon Pierre-Emerick Aubameyang ukinira Arsenal
