Mpayimana Philippe ari mu bakandida-Depite bemejwe by’agateganyo

Abari batanze kandidatire bigenga bari batanu, hemejwe babiri gusa,…
Umubare w’abanyarwanda batora wiyongereyeho 4%

Kuri uyu wa mbere komisiyo y’igihugu y’amatora yasohoye urutonde rw’agateganyo rw’abakandida  bemerewe kwiyamamaza mu matora y’Abadepite, muri bo abigenga ni babiri barimo Mpayimana Philippe wiyamamarije kuyobora u Rwanda muri 2017 akaza gutsindwa na Paul Kagame.

Philippe Mpayimana ubwo yari yagiye kuri Komisiyo y'Amatora gutanga kandidature ye

Philippe Mpayimana wiyamamarije kuyobora u Rwanda muri 2017 agatsindwa

Mu cyumweru gishize, Komisiyo y’Amatora yari yatangaje ko abantu 537 barimo batanu bigenga bari batanze kandidature zabo bifuza guhatana mu matora y’abadepite ateganyijwe mu ntangiro za Nzeri.

Perezida wa komisiyo y’amatora, Prof Kalisa Mbanda uyu munsi yavuze ko bamaze kwiga amadosiye ya buri mukandida kugira ngo batoranyemo abemejwe nk’abakandida mu buryo bw’agateganyo.

Yagize ati “Hanyuma tugatanga iminsi itanu kugira ngo abatabyujuje babone uko bashaka ibyangombwa byo kuzuza dosiye zabo tukazabyakira guhera ejo kugera ku minsi itanu ku munsi wa gatandatu akaba aribwo tuzasohora liste ya burundu.”

Mu bakandida bigenga, hemejwe by’agateganyo abantu babiri ari bo Ntibanyendera Erisa Musalim na Mpayimana Philippe wari wiyamamaje umwaka ushize ku mwanya w’Umukuru w’Igihugu.

Abatemejwe ni Ntakaburimvano Theodor, Nsengiyumva Janvier na Sebagenze Aly Hussein.

PL yatanze abakandida 80, hemejwe 79, FPR-Inkotanyi n’andi mashyaka yayisunze bari batanze 80, muri bo hemejwe 78, Democratic Green Party of Rwanda yatanze 34, hemejwe 30, PSD yatanze 65 hemezwamo 64, PS Imberekuri yatanze 54 hemejwemo 30.

Mu kiciro cy’urubyiruko kizatorwamo abadepite babiri,  hari hatanzwe kandidatire 32, ubu hemejwe 27, mu cy’abafite ubumuga hari hatanzwe kandidatire z’abantu 10 zose zaremejwe kuko bujuje ibisabwa, mu kiciro cy’abagore cyari cyatanzwemo kandidatire z’abantu 179, hemejwe 177.

Kalisa Mbanda ati “Muri make murabona ko abakandida batemejwe ari bake kandi na bo ibyo babura ni bike mu minsi itanu bazaba babibonye, tuzemeza urutonde ntakuka tariki 6 Kanama nk’uko biteganywa n’itegeko.”

 

Abanyarwanda batora biyongereyeho 4%

Abanyarwanda bose biyandikishije kuri lisite y’itora ni 7 174 188, muri bo abagabo ni 3 305 278 bangana na 46%, abagore bakaba 3 868 910 bangana na 54%, urubyiruko mu bitsina byombi rungana na 3 234 075 bangana na 45%.

Prof Kalisa Mbanda ati “Ibijyanye n’iyo liste ni uko utwereka ko Abanyarwanda biyongereye hagati y’aya matora yombi ari aya Perezida yabaye umwaka ushize ari n’aya tugiyemo y’Abadepite azaba mu kwezi kwa kenda.”

Avuga ko kugeza ubu abanyarwanda biyondereyeho abatora  277 112 bangana na 4%, muri bo abagabo biyongereyeho 4,1%; abagore biyongeraho 3,9%; urubyiruko rwiyongeraho 3,3%.

433 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Admin

Kalisa John

Leave a Reply

Your email address will not be published.