Mukura Vs igeze k’umukino wanyuma w’igikombe cy’amahoro ikuyemo Apr Fc inarushwa

Umukino wo kwishyura hagati ya Apr Fc na Mukura Vs wari wabereye kuri sitade ya Kigali;urangiye Mukura Vs inganyije na Apr fc igitego kimwe kuri kimwe ari nacyo cyahise gisezerera Apr mu gikombe cy’Amahoro mu rugendo rwerekeza k’umukino wa nyuma.

Wari umukino uryoheye ijisho cyane cyane kubafana ba Mukura kuko ku kijyanye no guhanahana umupira bari hejuru y’ikipe ya gisirikare nubwo Apr ariyo yabanje igitego gitsinzwe na Martin k’umupira wari uvuye kuri Ombolenga Fitina maze Martin Twizerimana wari wagiriwe ikizere n’umutoza atsindisha umutwe igitego cya mbere.Nubwo Mukura yari yatsinzwe ntago yacitse intege yakomeje gutera umupira wayo usanzwe ari uwo guhanahana ariko banasatira izamu.Ibi byaje kubahira mu minota ya Nyuma kuko k’umunota wa 77 ushyira uwa 78 ba myugariro ba Apr fc baje gukora amakosa ndetse n’umuzamu Kimenyi Yves; Mutebi Rashid yaje kubabonamo igitego cyahesheje Mukura kugera k’umukino wa Nyuma kuko cyari icyo hanze.

Byari ishiraniro kuri uyu mukino

Ku ruhande rw’abafana ntago bishimiye imikinire ya Apr fc yaranzwe no gukora amakosa menshi yanabaviriyemo guhabwa amakarita menshi y’imihondo harimo n’imwe y’umutuku yahawe Emmanuel Imanishimwe batazira Mangwende.Mukura Vs yo ubwo yakinaga wa mupira wayo wo guhanahana inarusha Apr bigaragara.

Muhadjili ntago yabashije kwigaragaza kuko yazitiwe n’abakinnyi ba Mukura

Undi mukino wa wo kwishyura wa ½ ukaba uteganyijwe ku munsi w’ejo ikipe ya Rayon Sports yakira Sunrise,umukino ubanza Sunrise yatsinze Rayon Sports 2-1.Tubibutsa ko umukino wa nyuma uteganyijwe ku italiki ya 12 Kanama 2018.

441 total views, 3 views today

Facebook Comments
Share Button

Subscribe now

k

auto ads

Recommended For You

About the Author: Machad Richard Nshimiyimana

Leave a Reply

Your email address will not be published.