Ngaba 6 bazahagararira umujyi wa Kigali muri Miss Rwanda 2019

Wari umunsi wa nyuma w’ijonjora ry’ibanze ry’abakobwa bagomba guhatanira ikamba rya Nyampinga w’u Rwanda w’umwaka wa 2019.

Iri jonjora ryanyuze mu Majyaruguru hatorwa abakobwa batanu, Iburengerazuba hatorwa batandatu, Amajyepfo n’Iburasirazuba buri hamwe hatoranywa 10, bose hamwe baba abakobwa 31.

Kuri uyu wa Gatandatu hatoranyijwe abakobwa batandatu bazahagararira Umujyi wa Kigali, uko ari 37, kuri iki Cyumweru bakazatombola nimero bazakoresha muri Miss Rwanda 2019.

Abazagera mu cyiciro cya nyuma bazamenyekana ku wa 5 Mutarama 2019, Miss Rwanda mushya amenyekane ku wa 26 Mutarama 2019.

Abakobwa bakomeje mu Mujyi wa Kigali ni:

1. Niyonshuti Assoumpta (No 1)
2. Umutoni Grace (No 17)
3. Gakunde Iradukunda Prayer (No 4)
4. Nimwiza Meghan (No 22)
5. Ibyishaka Aline (No 14)
6. Uwase Sangwa Odille (No 25)

Uko igikorwa cyagenze umunota ku wundi

21:33: Abakemurampaka bamaze gusubira mu myanya yabo, bagiye gutangaza abakomeje mu irushanwa

Mbere y’uko abakomeje muri Miss Rwanda 2019 batangazwa, Miss Rwanda 2018 Iradukunda Liliane yagiye kuganiriza abahatanaga bose

21:00: Abakobwa bose uko ari 30 bamaze kunyura imbere y’akanama nkemurampaka. Kagiye kwiherera kugira ngo hatangazwe abakobwa bakomeza mu kindi cyiciro muri Miss Rwanda 2019, bahagarariye Umujyi wa Kigali.

Esther Favor

Umuhoza Noella

Mutesi Solange

Umulisa Divine

20:22: Umukobwa uri imbere y’abakemurampaka ni uwa 26, yitwa Sugi Diane. Umukemurampaka amubajije niba ko izina ariryo muntu (niba koko ari isugi), ati Yego.

Habimana Blanche

Uwase Sangwa Odille

Sugi Diane

-

 Mu bakobwa bagomba kunyura imbere y’abakemurampaka, hamaze gutambuka 22

Umutoni Grace

Umufite Anipha

Ujeneza Anne Marie

Bisengimana Marie Quentine

Mbabazi Doreen

18:55: Annastasha Ashley yagaragaje ubwoba budasanzwe, abakemurampaka bamuha umwanya wo gushira impumu, bamuha amazi asomaho. Nyuma yasubije neza ndetse bose bamuha ’Yes”. Bamusabye ko naramuka akomeje mu kindi cyiciro, yashakisha ubumenyi bwamufasha gushirika ubwoba.

Annastasha Ashley

18:45: Umubyeyi Marie Joyeuse wambaye 15, yabajijwe impamvu abakobwa basambana batikingiye kandi bazi ko bakuramo ibibazo.

Umubyeyi Marie Joyeuse

Ati “Hari wa wundi ukubwira ngo nta kibazo, nta ngaruka biragira, nicyo kintu cya mbere. Ikindi wa mukobwa ugiye kubikora ni uko ajya kubikora aba atatekereje ko hari ibindi bibazo bishobora kubaho, akumva ari ukwishimisha gusa.”

Yanavuze ko bishoboka ko hari ipfunwe ry’abatinya kugura agakingirizo, “kuko ukaguze hari uwatekereza ngo agiye gukora ibi n’ibi.”

Umutoni Blandine

Bamureke Grace

Bamureke Grace

Uwase Mallion

Ibyishaka Aline

 Mu mashusho: Niyokwizera Henriette wambaye nimero 10 yabanje kwisingiza, ashimangira ko mu buzima bwe ari umuboshyi.

18:00:Iyamuremye Antoine ushinzwe iyamamazabikorwa muri Cogebanque, abwiye abitabiriye Miss Rwanda 2019 ko iyi banki ibafitiye serivisi zigezweho z’ikoranabuhanga haba ku makarita atandukanye ndetse ubu umuntu ashobora kwiha serivisi za banki kuri telefoni, akanze *505#.

Iyamuremye Antoine ushinzwe iyamamazabikorwa muri Cogebanque

Usanase Ariella

Uwase Audrey

Ishimwe Joyeuse

Niyokwizera Henriette

 Mu mashusho, Mirembe ati “nariraga nk’urimo kuririmba.”

17:37: Umukobwa wa munani niwe uri imbere y’abakemurampaka, intego ye ngo ni ugukangurira abanyarwanda kwitabira gahunda ya ’Tembera u Rwanda’, bakabona amakuru ahagije y’ibyiza by’u Rwanda bashobora gusura.

Mutoni Chrsitine

Kiconco Doreen

 Mirembe Ornella Melodie wambaye nimero 3, yabajijwe inkomoko y’izina rye ‘Melodie’, ati “Imvano yaryo ni uko bambwiye ko nkiri umwana nariraga mu njyana mbese nk’umuntu urimo kuririmba.”

Mirembe Ornella Melodie

Gakunde Iradukunda Prayer

17:08: Abakobwa bane bamaze kunyura imbere y’akanama nkemurampaka, bose uko ari 30 (hiyongereyeho babiri) , buri umwe aragira igihe cye.

Muhoza Christella

 Miss Rwanda 2018 Iradukunda Liliane yakurikiye ijonjora ry’i Kigali, harebwa niba ariho hazaturuka umusimbura nka Nyampinga w’u Rwanda.

16:44: Niyonshuti Assoumpta wambaye nimero 1 niwe ubimburiye abandi bakobwa kunyura imbere y’abakemurampaka. Ahawe ’Yes’ eshatu.

Niyonshuti Assoumpta

16:37: Abakobwa uko ari 28 batangiye kwimenyereza uko baza gutambuka imbere y’akanama nkemurampaka.

Abakobwa babanje kwerekwa uko baratambuka imbere y’akanama nkemurampaka

16:30: Abakemurampaka Miss Mutesi Jolly, Iradukunda Michelle na Uwase Marie France bamaze kugera mu myanya yabo, mu kanya gato abakobwa baratangira kwiyereka no kubazwa ibibazo bitandukanye.

Miss Rwanda 2016 Mutesi Jolly yabukereye

16:04: Kwandika abakobwa bifuza guhatana birasojwe. Abiyandikishije bose hamwe bari 80, abujuje ibisabwa ni 28. Bagiye guhindura imyenda maze batambuke imbere y’akanama nkemurampaka, basubize n’ibibazo bitandukanye.

-

 Irushanwa rya Miss Rwanda uyu mwaka rifite umwihariko kuko bitandukanye n’ubushize, uzatorwa nk’igisonga cya mbere azahembwa amafaranga miliyoni imwe, mu gihe uwabaye igisonga cya kabiri azahembwa amafaranga ibihumbi 500.

Ku uzaba Nyampinga w’u Rwanda we nta kizahinduka, azahembwa imodoka nshya yo kugendamo, azajye anahembwa ibihumbi 800Frw buri kwezi n’ibindi bijyanye no kwita ku bwiza bwe. Anaserukira u Rwanda mu irushanwa rya Miss World.

15:33: Mu mashusho, reba uko abakobwa bakereye irushanwa rya Miss Rwanda 2019, i Kigali.


 Iri rushanwa rishobora kugira ubwitabire bukomeye ugereranyije no mu zindi Ntara. Nyuma y’isaha abakobwa biyandikisha, bakomeje kwiyongera.

14:40: Abakobwa bifuza guhatanira ikamba rya Miss Rwanda barimo kwiyandikisha, ari nako harebwa ko bujuje ibisabwa birimo icyangombwa kibaranga, icyerekana ko bize amashuri yisumbuye ndetse hakarebwa ko bujuje uburebure n’ibilo bisabwa. Uburebure bwemewe ni uguhera kuri metero 1.70.

Mbere yo kwemererwa gukomeza mu irushanwa bareba ko ufite uburebure n’ibilo bisabwa

Uburebure bw’umukobwa ni ingenzi cyane muri Miss Rwanda

Akanyamuneza ni kose ku bifuza kwitabira iri rushanwa

Umukobwa wese asabwa kwitwaza ikimuranga akoresha mu kwiyandikisha, hakanarebwa niba afite imyaka hagati ya 18-25

Abifuza guhatana muri Miss Rwanda 2019 bitabiriye biringaniye

Mu buryo busanzwe bwo gutanga amanota ku bakobwa bakomeza muri iri rushanwa, ubwiza bw’uko umukobwa agaragara n’uko yiyerekana bifite 30%, ubumenyi afite ni 40% naho uburyo agaragaza ibitekerezo bye bifite 30%.

Ikaze mu gikorwa cyo gutoranya abakobwa bazahagararira Umujyi wa Kigali muri Miss Rwanda 2019, kirimo kubera muri Hilltop Hotel!

722 total views, 1 views today

Facebook Comments
Share Button

Subscribe now

k

auto ads

Recommended For You

About the Author: SHUMBUSHO Josue

Leave a Reply

Your email address will not be published.