Perezida Kim Jong Un yageze i Hanoï aho agomba kubonanira na Donald Trump -Amafoto

Kuri wa Kabiri tariki ya 26 Gashyantare 2019, nibwo Kim Jong Un, Perezida wa Koreya ya ruguru yageze i Hanoï muri vietnam aho agomba kugiranira ibiganiro bya kabiri na mugenzi we wa Leta Zunze Ubumwe za Amerika, Donald Trump baherukaga kubonanira i Singapour.

Umurwa mukuru wa Vietnam uri mu myiteguro ikomeye yo kwakira kuri uyu wa Gatatu no ku wa Kane ibi biganiro hagati y’aba bakuru b’ibihugu byombi bigamije kugera ku mwanzuro ufatika wo guhagarika burundu icurwa ry’intwaro za kirimbuzi ku ruhande rwa Pyongyang nubwo uru ruhande ruvuga ko rugomba gufata umwanya uhagije.

Kim Jong Un yasesekaye muri Vietnam anyuze mu Bushinwa, aho yaje muri gariyamoshi ye yamugejeje muri gare ya Dong Dang nyuma y’ibirometero 4000 mu nzira ya gariyamoshi.

Ubwo yahageraga uyu muyobozi ufatwa n’ibihugu byo mu burengerazuba bw’isi nk’umunyagitugu, yakiriwe n’abantu benshi biganjemo abanyeshuri bari bazamuye amabendera y’igihugu cye. Yahise yinjira mu modoka ya Mercedes Benz maze ahita yerekeza i Hanoï aho yaruhukiye umwanya muto maze ahita ajya muri ambasade y’igihugu cye muri Vietnam.

Ku ruhande rwa Perezida Donald Trump, biteganijwe ko na we agera muri iki gihugu ku mugoroba wo kuri uyu wa Kabiri azanywe n’indege ya Air Force One.

Kugeza ubu nta makuru menshi aratangazwa ku by’ingenzi bizaranga umuhuro wabo gusa ikizwi cyo nuko aba bayobozi hamwe na bamwe mu bajyanama babo bazasangira ku mugoroba wo kuri uyu wa Gatatu nkuko byatangajwe n’umuvugizi w’ibiro bya White House, Sarah Sanders.

418 total views, 1 views today

Facebook Comments
Share Button

Subscribe now

k

auto ads

Recommended For You

About the Author: Jean Paul Nsanzabera

Leave a Reply

Your email address will not be published.