Rayon Sports yasinye amasezerano y’umwaka umwe y’ubufatanye na Sosiyete y’ubwishingizi ya Radiant

Ikipe ya Rayon Sports yasinyanye na sosiyete y’ubwishingizi ya Radiant amasezerano y’ubufatanye azayifasha kunguka amafaranga kuri buri mufana wayo uguze ubwishingizi muri Radiant.

Kuri uyu wa Gatanu tariki 10 Kanama 2018 nibwo aya masezerano yashyizweho umukono na Perezida wa Rayon Sports , Paul Muvunyi ndetse na Marc Rugenera umuyobozi wa Radiant. Amasezerano yasinyiwe ku cyicaro gikuru cy’iyi sosiyeti giherereye mu Mujyi wa Kigali mu nyubako ya CHIC.

Perezida wa Rayon Sports, Paul Muvunyi yavuze ko Rayon Sports ariyo kipe ikunzwe cyane bityo ko Radiant ndetse n’abandi bafatanyabikorwa bayo bahisemo neza. Yunzemo avuga ko igihe kigeze ngo Rayon Sports ikore ibikorwa bifatika biyinjiriza amafaranga. Nyuma ya Skol na Airtel, Radiant yabaye umufatanyabikorwa wa 3 Rayon Sports igize.

Perezida Muvunyi asinya amasezerano

Paul Muvunyi yakomeje avuga ko Rayon Sports ari nini cyane kurusha uko abantu babitekereza. Yatanze urugero rw’uburyo batangiye amasezerano n’uruganda rwa Skol abantu babikerensa none rukaba arirwo rwa mbere rusigaye rugurisha cyane ibinyobwa bisembuye n’ibidasembuye.

Umuyobozi wa Radiant asinya amasezerano

Joseph Cyusa Gashayija ukuriye ishami rishinzwe ubucuruzi muri Radiant yavuze ko guhitamo Rayon Sports bitaje ubu. Igitekerezo ngo bakigize kera ariko ntibyahita bikunda ko ubufatanye butangira kubaho, gusa ngo ubu biratangiye nta gisibya.

Code y’abafana ba Rayon sports muri Radiant

 

Photos:Rmagazine

 496 total views,  1 views today

Facebook Comments
Share Button

k

auto ads

Recommended For You

About the Author: Machad Richard Nshimiyimana

Leave a Reply

Your email address will not be published. Required fields are marked *