Reba uko igitaramo cyo kwizihiza umunsi w’intwari cyagenze (Amafoto)

Kuri uyu wa 1 Gashyantare 2021, ni umunsi ngarukamwaka u Rwanda rwizihirizaho umunsi w’Intwari ndetse kuri iyi nshuro wizihizwaga ku nshuro ya 27, hazirikanwa ibikorwa byaziranze ngo u Rwanda n’Abanyarwanda babeho mu mahoro n’ubwisanzure.

Ni muri urwo rwego ku mugoroba wo kuri uyu wa Mbere tariki 1 Gashyantare 2021, abanyarwanda batandukanye bakurikiye igitaramo cyo gusingiza intwari cyabaye hifashishijwe ikoranabuhanga kubera icyorezo cya COVID-19 cyugarije Isi yose muri iki gihe.

Iki gitaramo cyari kiyobowe na Basile Uwimana wa Televiziyo y’u Rwanda, cyagaragayemo abahanzi batandukanye babimburiwe n’Itorero ry’Igihugu Urukerereza ryashimishije benshi mu mbyino zinogeye amaso za Kinyarwanda.

Iri torero kandi ryerekanye umukino ryise urw’intwari ugamije kugaragaza ubutwari bwagiye buranga abanyarwanda.

Iri torero ryakurikiwe na Peace Jolis waririmbye indirimbo ze zirimo ‘Uko nagukunze’, ‘Belle’ yakoranye na Urban Boyz na Dj Miller ndetse na ‘Icyo’ aheruka gushyira hanze.

Yakurikiwe na Alyn Sano uri mu bahanzi bakomeye mu Rwanda muri iki gihe bari no kwitwara neza, yahereye ku ndirimbo ivuga ku butwari igaragaza ko kuba abantu bari mu mudendezo hari abitanze ngo u Rwanda rube rubayeho mu mudendezo.

Yahise yanzika n’izindi ndirimbo ze zirimo ‘For us’, ‘None’, ‘Joni’ ndetse n’iyo yasorejeho yise ‘Kontrolla’.

Hakurikiyeho King James waririmbye indirimbo ze zirimo ‘Umugisha’, ‘Icyangombwa’, ‘Agatimatima’, ‘Poupette’ , ‘Igitekerezo’, ‘Ibare’ n’izindi.

Army Jazz Band yashimishije benshi mu ndirimbo nka ‘Iya mbere Ukwakira’, ‘Umugabo Nyawe’, ‘Intwaza rugamba’, ‘Intwari z’u Rwanda’ n’izindi zisingiza ubutwari bw’ingabo za FPR Inkotanyi zabashije gukorana ubwitange zigakura igihugu ku ngoyi benshi bakongera kubaho mu mudendezo nta vangura rishingiye ku moko rirangwa mu gihugu.

Iki gitaramo cyateguwe n’Urwego rushinzwe Intwari z’Igihugu, imidali n’Impeta by’Ishimwe (CHENO), kigamije kwizihiza ubutwari bw’Abanyarwanda.

Umwaka ushize iki gitaramo cyari cyatumiwemo abahanzi barimo Itorero ry’Igihugu Urukerereza, Army Jazz Band, Clarisse Karasira, Niyo Bosco na Social Mula.

Kugeza ubu intwari z’u Rwanda ziri mu byiciro bitatu ari byo Imanzi igizwe n’Umusirikare utazwi na General Major Fred Gisa Rwigema; Imena zirimo Umwami Mutara wa III Rudahigwa, Rwagasana Michel, Agathe Uwiringiyimana, Niyitegeka Félicité n’Abanyeshuri b’Inyange. Icyiciro cya gatatu ni Ingenzi ariko nta ntwari n’imwe irashyirwamo.

Abagize iri torero baba bambaye bya kinyarwanda

Bagoroye amajwi biratinda

Iri torero rikundwa na benshi mu Rwanda

Urukerereza rwagaragaje umukino ryise urw’intwari wanyuze abari bakurikiye iki gitaramo

Urukerereza rwagaragaje umukino uvuga ku butwari bw’abanyarwanda

Basile Uwimana wari uyoboye iki gitaramo yari yambwitswe na Inkanda House

Peace Jolis muri iki gitaramo ni uku yari yambaye

Alyn Sano n’ababyinnyi bamufashije ku rubyiniro banyuze benshi

Alyn Sano ni ubwa mbere yari aririmbye mu gitaramo nk’iki

Alyn Sano yaririmbye indirimbo y’intwari ari kwicurangira piano

Sano ni uku yari yambaye

624 total views, 1 views today

Facebook Comments
Share Button

Subscribe now

k

auto ads

Recommended For You

About the Author: kalisa john

Leave a Reply

Your email address will not be published.